കോ​ഴി​ക്കോ​ട്: ന​ഗ​ര​ത്തി​ല്‍ ഇ​ലക്‌ട്രിക് ഓ​ട്ടോ​റി​ക്ഷ​ക​ള്‍ ഒ​രു വി​ഭാ​ഗം ഡീ​സ​ല്‍ ഓ​ട്ടോ​റി​ക്ഷാ ഡ്രൈ​വ​ര്‍​മാ​ര്‍ വ​ഴി​യി​ല്‍ ത​ട​യു​ന്നതായി പരാതി.​ യാ​ത്ര​ക്കാ​രെ പെ​രു​വ​ഴി​യി​ല്‍ പി​ടി​ച്ചി​റ​ക്കി വി​ടു​ന്ന സ​മ​ര​ത്തി​നെ​തി​രേ പോ​ലീ​സി​ല്‍ പ​രാ​തി ന​ല്‍​കി​യി​ട്ടും ഇ​തു​വ​രെ ന​ട​പ​ടി​യൊ​ന്നും ഉ​ണ്ടാ​യി​ട്ടി​ല്ല.

യാ​ത്ര​ക്കാ​രും പോ​ലീ​സി​ല്‍ പ​രാ​തി ന​ല്‍​കി​യി​ട്ടു​ണ്ട്. ​ന​ട​ക്കാ​വ്, വെ​ള്ള​യി​ല്‍, ക​സ​ബ പോ​ലീ​സ് സ്റ്റേ​ഷ​നു​ക​ളി​ലാ​ണ് നി​ല​വി​ല്‍ പ​രാ​തി​ക​ളു​ള്ള​ത്. ഇലക്‌ട്രിക് വാഹനങ്ങൾ പ്രോത്സാഹിപ്പിക്കാൻ കേന്ദ്ര-സംസ്ഥാന സർക്കാരുകൾ വിവിധ പദ്ധതികൾ പ്രഖ്യാപിക്കുന്നതിനിടയിലാണ് ഇത്തരം വാഹനങ്ങൾ തടയുന്ന നിലപാടുമായി ചില നിരത്തിലിറങ്ങയിരിക്കുന്നത്. 

സി​.ഐ.​ടി​.യു യൂ​ണി​യ​ന്‍റെ പേ​രി​ല്‍ ഒ​രു വി​ഭാ​ഗം തൊ​ഴി​ലാ​ളി​ക​ളാ​ണ് വ​ഴി​യി​ല്‍ ഒ​ട്ടോ​റി​ക്ഷ​ക​ള്‍ ത​ട​യു​ന്ന​തെ​ന്ന് ഓ​ള്‍ കേ​ര​ള ഇ-​ഓ​ട്ടോ​റി​ക്ഷാ ഡ്രൈ​വേ​ഴ്‌​സ് ഇ​ന്‍​ഡി​പെ​ന്‍​ഡ​ഡ് യൂ​ണി​യ​ന്‍ ജി​ല്ലാ പ്ര​സി​ഡ​ന്‍റ് പി.​എ​സ്. ശ്രീ​രാ​ജും ര​ക്ഷാ​ധി​കാ​രി പി.​സ​ലി​മും പ​റ​ഞ്ഞു.

കോ​ഴി​ക്കോ​ട്ട് 140 ഇ-​ഓ​ട്ടോ​റി​ക്ഷ​ക​ളാ​ണു​ള്ള​ത്. കേ​ന്ദ്ര സം​സ്ഥാ​ന സ​ര്‍​ക്കാ​റു​ക​ളു​ടെ സ​ബ്‌​സി​ഡി​യോ​ടെ​യാ​ണ് ഇ​വ റോ​ഡി​ലി​റ​ങ്ങി​യി​ട്ടു​ള്ള​ത്. ഇ​വ​യ്ക്കു ബോ​ണ​റ്റ് ന​മ്പ​ര്‍ ന​ല്‍​കി​യി​ട്ടി​ല്ല. റോ​ഡി​ല്‍ സ​ര്‍​വീ​സ് ന​ട​ത്താ​ന്‍ പെ​ര്‍​മി​റ്റും ആ​വ​ശ്യ​മി​ല്ല. സം​സ്ഥാ​ന​ത്ത് എ​വി​ടെ വേ​ണ​മെ​ങ്കി​ലും സ​ര്‍​വീ​സ് ന​ട​ത്താ​നും യാ​ത്ര​ക്കാ​രെ ക​യ​റ്റാ​നും ഇ​വ​യ്ക്ക് അ​നു​മ​തി​യു​ണ്ട്. 
എ​ന്നാ​ല്‍, ഇ-​ഓ​ട്ടോ​ക​ളെ റോ​ഡി​ലി​റ​ക്കാ​ന്‍ സ​മ്മ​തി​ക്കി​ല്ലെ​ന്നാ​ണ് ഒ​രു വി​ഭാ​ഗം ഡ്രൈ​വ​ര്‍​മാ​രു​ടെ നി​ല​പാ​ട്.​ ഓ​ട്ടോ​ക​ള്‍ വ​ഴി​യി​ല്‍ ത​ട​ഞ്ഞ് യാ​ത്ര​ക്കാ​രെ ഇ​റ​ക്കി​വി​ടു​ക​യാ​ണ് ചെ​യ്യു​ന്ന​ത്. അ​സ​ഭ്യ​വ​ര്‍​ഷ​വും ചൊ​രി​യു​ന്നു. ബു​ധ​നാ​ഴ്ച ഉ​ച്ച​യ്ക്കു ബൈ​പാ​സി​ല്‍ സ​രോ​വ​ര​ത്ത് ഒ​രു ഇ-​ഓ​ട്ടോ​റി​ക്ഷ യാ​ത്ര​ക്കാ​ര​നെ ക​യ​റ്റി പോ​കു​മ്പോ​ള്‍ ഏ​താ​നും ഓ​ട്ടോ ഡ്രൈ​വ​ര്‍​മാ​ര്‍ ചേ​ര്‍​ന്ന് ത​ട​ഞ്ഞു. യാ​ത്ര​ക്കാ​ര​നെ വ​ഴി​യി​ല്‍ ഇ​റ​ക്കി​വി​ട്ടു.

താ​ന്‍ ഹൃ​ദ്രോ​ഗി​യാ​ണെ​ന്നും ആ​ശു​പ​ത്രി​യി​ലേ​ക്കു പോ​കു​ക​യാ​ണെ​ന്നും യാ​ത്ര​ക്കാ​ര​ന്‍ പ​റ​ഞ്ഞു.​ മ​റ്റു ഓ​ട്ടോ​ക​ളെ കൈ​കാ​ണി​ച്ചി​ട്ടും നി​ര്‍​ത്തി​യി​ല്ല. ഇ-​ഓ​ട്ടോ മാ​ത്രാ​മാ​ണ് നി​ര്‍​ത്തി​യ​ത്. അ​തി​നാ​ലാ​ണ് ഇ​തി​ല്‍ ക​യ​റി​യ​ത്. ത​ന്നെ ഇ​റ​ക്കി​വി​ട​രു​തെ​ന്ന് അ​ദ്ദേ​ഹം അ​ഭ്യ​ര്‍​ഥി​ച്ചു​വെ​ങ്കി​ലും സ​മ​ര​ക്കാ​ര്‍ വ​ഴ​ങ്ങി​യി​ല്ല. ഈ ​യാ​ത്ര​ക്കാ​ര​ന്‍ ആ​ശു​പ​ത്രി​യി​ല്‍ പോ​യി ഡോ​ക്ട​റെ കാ​ണി​ച്ച രേ​ഖ​ക​ള്‍ അ​ട​ക്കം വെച്ച്‌ ന​ട​ക്കാ​വ് പോ​ലീ​സി​ല്‍ പ​രാ​തി ന​ല്‍​കി. എ​ന്നാ​ല്‍, പോ​ലീ​സ് സ​മ​ര​ക്കാ​ര്‍​ക്കെ​തി​രേ ന​ട​പ​ടി​യൊ​ന്നും എ​ടു​ത്തി​ട്ടി​ല്ല.

സ​മ​ര​ക്കാ​ര്‍​ക്ക് അ​നു​കൂ​ല നി​ല​പാ​ടാ​ണ് പോ​ലീ​സ് സ്വീ​കരി​ക്കു​ന്ന​തെ​ന്നാ​ണ് ആ​രോ​പ​ണം. യാ​ത്ര​ക്കാ​രെ വ​ഴി​യി​ല്‍ ഇ​റ​ക്കി​വി​ട്ടി​ട്ടു​പോ​ലും കേ​സ് ര​ജി​സ്റ്റ​ര്‍​ചെ​യ്യാ​ത്ത പോ​ലീ​സ് നി​ല​പാ​ടി​നെ​തി​രേ പ്ര​തി​ഷേ​ധം ഉ​യ​ര്‍​ന്നി​ട്ടു​ണ്ട്. 
ജീ​വി​ക്കാ​ന്‍ വേ​ണ്ടി​യാ​ണ് സ​ര്‍​ക്കാ​ര്‍ അ​നു​മ​തി​യോ​ടെ ഇ-​ഓ​ട്ടോ​ക​ള്‍ സ​ര്‍​വീ​സ് ന​ട​ത്തു​ന്ന​ത്. എ​ന്നാ​ല്‍, ഇ-​ഓ​ട്ടോ​ക​ള്‍ റോ​ഡി​ലി​റ​ങ്ങി​യാ​ല്‍ ത​ങ്ങ​ളു​ടെ ജോ​ലി​യെ ബാ​ധി​ക്കു​മെ​ന്നാ​ണ് ഡീ​സ​ല്‍ ഓ​ട്ടോ​റി​ക്ഷാ ഡ്രൈ​വ​ര്‍​മാ​ര്‍ പ​റ​യു​ന്ന​ത്.