പ​യ്യ​ന്നൂ​ര്‍: സ്വ​ത്തി​നുവേ​ണ്ടി വ​യോ​ധി​ക​യാ​യ അ​മ്മ​യെ​ക്കൊ​ണ്ട് നി​ര്‍​ബ​ന്ധി​ച്ച് ഒ​പ്പു​വെ​പ്പി​ക്കാ​ന്‍ ശ്ര​മി​ക്കു​ക​യും മ​ര്‍​ദ്ദി​ക്കു​ക​യും ചെ​യ്ത സം​ഭ​വ​ത്തി​ല്‍ നി​യ​മോ​പ​ദേ​ശം തേ​ടി പോ​ലീ​സ്. മാ​ത​മം​ഗ​ലം പേ​രൂ​ലി​ലെ പ​രേ​ത​നാ​യ കു​ഞ്ഞ​മ്പു​വി​ന്‍റെ ഭാ​ര്യ പ​ലേ​രി​വീ​ട്ടി​ല്‍ മീ​നാ​ക്ഷി​യ​മ്മ (80)യെ ​ക്രൂ​ര​മാ​യി മ​ര്‍​ദ്ദിച്ച സം​ഭ​വ​ത്തി​ല്‍ മ​ക്ക​ളാ​യ ര​വീ​ന്ദ്ര​ന്‍, സൗ​ദാ​മി​നി, അ​മ്മി​ണി, പ​ത്മി​നി എ​ന്നി​വ​ര്‍​ക്കെ​തി​രെ പെ​രി​ങ്ങോം പോ​ലീ​സ് കേ​സെ​ടു​ത്തി​രു​ന്നു. പി​ന്ന​ലെ​യാ​ണ് പോ​ലീ​സ് നി​യ​മോ​പ​ദേ​ശം തേ​ടി​യി​രി​ക്കു​ന്ന​ത്. അ​മ്മ​യെ മ​ര്‍ദ്ദി​ച്ച സം​ഭ​വം വി​വ​രി​ച്ച് മ​ക​ന്‍റെ ഭാ​ര്യ സി.​വി. ഷീ​ജ ന​ല്‍​കി​യ പ​രാ​തി​യി​ലാ​ണ് പെ​രി​ങ്ങോം പോ​ലീ​സ് കേ​സെ​ടു​ത്ത​ത്. ഈ​മാ​സം 14ന് ​ഉ​ച്ച​യ്ക്കു ശേ​ഷം മൂ​ന്നോ​ടെ​യാ​ണ് സം​ഭ​വം.

10 മ​ക്ക​ളു​ടെ അ​മ്മ​യാ​യ മീ​നാ​ക്ഷി​യ​മ്മ​യു​ടെ ഭ​ര്‍​ത്താ​വ് നേ​ര​ത്തെ മ​രി​ച്ചി​രു​ന്നു. ഇ​ള​യ ​മ​ക​ന്‍ മോ​ഹ​ന​ന്‍റെ വീ​ട്ടി​ലാ​ണ് മീ​നാ​ക്ഷി​യ​മ്മ ഇ​പ്പോ​ള്‍ താ​മ​സി​ക്കു​ന്ന​ത്. മ​ക്ക​ളി​ലൊ​രു​വ​ളാ​യ ഓ​മ​ന അ​ഞ്ചു​ വ​ര്‍​ഷം മു​മ്പ് മ​രി​ച്ച​തോ​ടെ ഓ​മ​ന​യു​ടെ പേ​രി​ലു​ള്ള 25 സെ​ന്‍റ് സ്ഥ​ലം മീ​നാ​ക്ഷി​യ​മ്മ​യു​ടേ​താ​യി മാ​റി​യി​രു​ന്നു. ഈ ​സ്വ​ത്ത് ന​ല്‍​കാ​ത്ത​തി​ന്‍റെ വി​രോ​ധ​ത്തി​ല്‍ ത​ന്‍റെ ഭ​ര്‍​ത്താ​വ് മോ​ഹ​ന​ന്‍ വീ​ട്ടി​ലി​ല്ലാ​തി​രു​ന്ന സ​മ​യ​​ത്ത് നാ​ലു​മ​ക്ക​ള്‍ ചേ​ര്‍ന്ന് വീ​ട്ടി​ല്‍ അ​തി​ക്ര​മി​ച്ചുക​യ​റു​ക​യും അ​മ്മ​യെ മ​ര്‍ദിക്കു​ക​യും ചെയ്തതായാ​ണ് പരാതിയിലുള്ളത്. അ​വ​ര്‍ കൊ​ണ്ടു​വ​ന്ന പേ​പ്പ​റു​ക​ളി​ല്‍ ബ​ല​മാ​യി ഒ​പ്പുവെ​പ്പി​ക്കാ​ന്‍ ശ്ര​മി​ച്ചെന്നും പരാതിയുണ്ട്. മ​ര്‍​ദ്ദ​ന​മേ​റ്റ മീ​നാ​ക്ഷി​യ​മ്മ കാ​ലി​ല്‍ നീ​രു​വെച്ച്, നെ​ഞ്ചി​ല്‍ ര​ക്തം ക​ട്ട​കെ​ട്ടി​യ നി​ല​യി​ല്‍ പ​യ്യ​ന്നൂ​ര്‍ സ​ഹ​ക​ര​ണ ആ​ശു​പ​ത്രി​യി​ല്‍ ചി​കി​ത്സ​യി​ലാ​യി​രു​ന്നു.

വ​യോ​ധി​ക​യാ​യ അ​മ്മ​യെ മ​ര്‍ദിച്ചും നി​ര്‍​ബ​ന്ധി​ച്ചും ഒ​പ്പു​വെ​പ്പി​ക്കു​ന്ന​തി​ന്‍റെ ശ​ബ്ദ​സ​ന്ദേ​ശം പു​റ​ത്തു​വ​ന്നി​രു​ന്നു. 
“നീ ​ഒ​പ്പി​ട്, അ​ടി​ച്ചു ത​ക​ര്‍​ക്കും ” എ​ന്നൊ​ക്കെ പ​റ​ഞ്ഞ് ഒ​പ്പി​ടാ​ന്‍ നി​ര്‍​ബ​ന്ധി​ക്കു​മ്പോ​ള്‍ അ​തി​നു വ​ഴ​ങ്ങാ​ത്ത അ​മ്മ​യെ മ​ര്‍ദി​ക്കു​ന്ന​തി​ന്‍റെ​യും മ​ര്‍​ദന​മേ​റ്റ് അ​മ്മ ക​ര​യു​ന്ന​തി​ന്‍റെ​യും ശ​ബ്ദ​സ​ന്ദേ​ശ​മാ​ണ് പു​റ​ത്തുവ​ന്ന​ത്. വ​യോ​ധി​ക​യു​ടെ ക​ര​ച്ചി​ല്‍ കേട്ട്‌  പ​രി​സ​ര​വാ​സി​ക​ള്‍ ഓ​ടി​ക്കൂ​ടു​ന്ന​തി​ന്‍റെ ദൃ​ശ്യ​ങ്ങ​ളും പു​റ​ത്തു​വ​ന്നി​ട്ടു​ണ്ട്.

ഇ​ക്കാ​ര്യ​ങ്ങ​ള്‍ ശ്ര​ദ്ധ​യി​ല്‍​പെ​ട്ട​തോ​ടെ​യാ​ണ് പോ​ലീ​സ് നി​യ​മോ​പ​ദേ​ശം തേ​ടി​യി​രി​ക്കു​ന്ന​ത്. നി​ര്‍​ബ​ന്ധി​ച്ച് രേ​ഖ​ക​ളി​ല്‍ ഒ​പ്പു​വെ​പ്പി​​ച്ച​താ​യി ബോ​ധ്യ​പ്പെ​ട്ട​തി​നാ​ല്‍ ആ​വ​ശ്യ​മാ​യ വ​കു​പ്പു​ക​ള്‍ കൂ​ട്ടി​ച്ചേ​ര്‍​ക്കു​ന്ന​തി​ന്‍റെ ഭാ​ഗ​മാ​യാ​ണ് നി​യ​മോ​പ​ദേ​ശം തേ​ടി​യി​രി​ക്കു​ന്ന​തെ​ന്നും ര​ണ്ടു​ ദി​വ​സ​ത്തി​ന​കം പ്ര​തി​ക​ളു​ടെ അ​റ​സ്റ്റു​ണ്ടാ​കു​മെ​ന്നും പെ​രി​ങ്ങോം എ​സ്‌.​ഐ വി.യ​ദു​കൃ​ഷ്ണ​ന്‍ പ​റ​ഞ്ഞു.