ഇരിട്ടി: ഇരുവശവും കാടുകൾ വളർന്ന് കാൽനടയാത്ര പോലും ദുസ്സഹമായ കീഴൂർ-ഇരിട്ടി ഹയർ സെക്കൻഡറി സ്‌കൂൾ താലുക്ക് ആസ്പത്രി റോഡ് നവീകരിക്കണമെന്ന് ഇരിട്ടി ഹയർ സെക്കൻഡറി സ്‌കൂൾ പി.ടി.എ പുന:സംഘടനാ യോഗം അധികൃതരോട് ആവശ്യപ്പെട്ടു. വാർഡ് കൗൺസിലർ പി.പി. ജയലക്ഷ്മി ഉദ്ഘാടനം ചെയ്തു.

കാടുകൾ വെട്ടിത്തെളിച്ചും ടാറിംഗ് തകർന്ന റോഡ് നവീകരിച്ചും റോഡിന്റെ ശോചനീയാവസ്ഥ പരിഹരിക്കണമെന്നും യോഗം പ്രമേയത്തിലൂടെ ആവശ്യപ്പെട്ടു. പി.ടി.എ പ്രസിഡന്റ് സന്തോഷ് കോയിറ്റി അധ്യക്ഷനായി. ഹെലികോപ്റ്റർ അപകടത്തിൽ സൈനികരുടെ വേർപാടിൽ യോഗം അനുശോചിച്ചു.

പ്രഥമധ്യാപകൻ എം. ബാബു മുഖ്യപ്രഭാഷണം നടത്തി . പ്രിൻസിപ്പാൾ കെ. ഇ.ശ്രീജ.റിപ്പോർട്ട് അവതരിപ്പിച്ചു.പി.ടി.എ വൈസ് പ്രസിഡന്റ് കെ.നന്ദനൻ, അധ്യാപകരായ പി.വി.ശശീന്ദ്രൻ,കെ.വി.സുജേഷ് ബാബു, ഷൈനി യോഹന്നാൻ എന്നിവർ സംസാരിച്ചു.

ഭാരവാഹികൾ: കെ.പി. രാമകൃഷ്ണൻ (പ്രസി.), ആർ.കെ. ഷൈജു (വൈസ്. പ്രസി.) രേഷ്മ ദിനേശൻ (മദർ പി.ടി.എ പ്രസി.), സുനിത (എം.പി.ടി. എ വൈസ്.പ്രസി.).