Breaking News
വാട്ട്സ്ആപ്പിലെ ‘വ്യൂ വണ്സ്’ ഉപയോഗിക്കുന്നത് എങ്ങന?
വാട്ട്സ്ആപ്പ് അടുത്തിടെ അവതരിപ്പിച്ച പ്രത്യേകതയാണ് വ്യൂ വണ്സ്. ടെലഗ്രാം തുടങ്ങിയ ചില സന്ദേശ കൈമാറ്റ ആപ്പുകളില് നേരത്തെ തന്നെ ഈ പ്രത്യേകതയുണ്ട്. വാട്ട്സ്ആപ്പില് അയക്കുന്ന വീഡിയോയും ചിത്രങ്ങളും ലഭിക്കുന്നയാള്ക്ക് ഒരുതവണ മാത്രം കാണാന് സാധിക്കുന്ന തരത്തില് സെറ്റ് ചെയ്യുന്നതാണ് ഈ ഫീച്ചര്. ഇതിന്റെ പ്രധാന പ്രത്യേകതകള് ഒന്ന് പരിശോധിക്കാം.
വ്യൂവണ്സ് ഫീച്ചര് വഴി അയക്കുന്ന ഒരു ചിത്രം അല്ലെങ്കില് വീഡിയോ അത് ആരുടെ ഫോണിലാണോ ലഭിക്കുന്നത് അയാളുടെ ഫോണില് ശേഖരിക്കില്ല. ഈ വീഡിയോ സ്വീകരിക്കുന്നയാള് ഒരുതവണ കണ്ടാല് പിന്നെ ചാറ്റില് നിന്നും അപ്രത്യക്ഷമാകും. ഇത്തരത്തില് അയച്ച ചിത്രങ്ങളോ വീഡിയോകളോ ഷെയര് ചെയ്യാന് സാധിക്കില്ല. ഇതിനൊപ്പം തന്നെ വ്യൂവണ്സ് വഴി അയക്കുന്ന സന്ദേശങ്ങള് 14 ദിവസത്തിനുള്ളില് ലഭിക്കുന്നയാള് കണ്ടില്ലെങ്കില് അപ്രത്യക്ഷമാകും. ഇത്തരത്തില് സന്ദേശം അയക്കുമ്പോള് വ്യൂവണ് ഓപ്ഷന് ഒരോ തവണയും തിരഞ്ഞെടുക്കണം. ഇത്തരത്തില് ലഭിക്കുന്ന സന്ദേശങ്ങള് തുറക്കും മുന്പ് ബാക് അപ് ചെയ്താല് ആ സന്ദേശങ്ങള് വീണ്ടും കാണാന് സാധിക്കും, എന്നാല് തുറന്ന സന്ദേശങ്ങള് ബാക്ക് അപ് നടത്താന് സാധ്യമല്ല.
ഇത് അയക്കേണ്ടത് എങ്ങനെയാണെന്ന് പരിശോധിച്ചാല്, സാധാരണ മീഡിയ ഫയല് അയക്കും പോലെ ഗ്യാലറിയില് നിന്ന് ഫോട്ടോ, അല്ലെങ്കില് വീഡിയോ തിരഞ്ഞെടുക്കുക. അയക്കും മുന്പ് ചാറ്റ്ബോക്സിലെ വ്യൂവണ്സ് ബട്ടണ് കാണാം. അത് ആക്റ്റിവേറ്റ് ചെയ്യുക. പിന്നീട് സന്ദേശം അയക്കുക. അയക്കുന്ന ചിത്രത്തിന്റെ സ്ഥാനത്ത് ഫോട്ടോ ആണെങ്കില് Photo, വീഡിയോ ആണെങ്കില് Video എന്നെ എഴുതി കാണിക്കൂ. ലഭിച്ചയാള് അത് ഓപ്പണ് ചെയ്താല് 0pened എന്ന് കാണിക്കും. അയാള് ഫയല് ക്ലോസ് ചെയ്താല് നിങ്ങളുടെ ചാറ്റില് നിന്നും സന്ദേശം അപ്രത്യക്ഷമാകും.
അതീവ രഹസ്യങ്ങള് അയക്കാന് പ്രാപ്തമായ ഒരു സംവിധാനമാണ് ‘വ്യൂ വണ്സ്’ സന്ദേശങ്ങള് എങ്കിലും ഒരിക്കല് തുറന്നിരിക്കുന്ന സന്ദേശം സ്ക്രീന് ഷോട്ട് എടുക്കാന് സാധിക്കും. വ്യൂവണ്സ് വഴി അയച്ചാലും ഫയല് എന്ക്രിപ്റ്റ് പതിപ്പ് വാട്ട്സ്ആപ്പ് സെര്വറില് സൂക്ഷിക്കും.
Breaking News
ഗോകുലം ഗോപാലന്റെ സ്ഥാപനത്തിൽ ഇഡി റെയ്ഡ്

ചെന്നൈ: വ്യവസായിയും സിനിമാ നിർമാതാവുമായ ഗോകുലം ഗോപാലന്റെ സ്ഥാപനത്തിൽ എൻഫോഴ്സ്മെന്റ് ഡയറക്ടറേറ്റിന്റെ പരിശോധന. ചെന്നൈ കോടമ്പാക്കത്തുള്ള ഗോകുലം ചിറ്റ്സ് ഫിനാൻസിന്റെ കോർപ്പറേറ്റ് ഓഫീസിലാണ് റെയ്ഡ്. ഇഡി കൊച്ചി യൂണിറ്റിലെ ഉദ്യോഗസ്ഥരും പരിശോധനയിൽ പങ്കെടുക്കുന്നുണ്ട്. രാവിലെ മുതലാണ് പരിശോധന ആരംഭിച്ചത്. 2023 ഏപ്രിലിൽ ഗോകുലം ഗോപാലനെ ഇഡി ചോദ്യംചെയ്തിരുന്നു. കൂടുതൽ വിവരങ്ങൾ ലഭ്യമല്ല.
Breaking News
ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
Breaking News
കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
You must be logged in to post a comment Login