മ​ര​ട്: വാ​ഹ​ന പ​രി​ശോ​ധ​ന​യു​ടെ ദൃ​ശ്യം മൊ​ബൈ​ലി​ൽ പ​ക​ർ​ത്തി​യ ആ​ളെ പോ​ലീ​സ് പീ​ഡ​ന​ത്തി​നി​ര​യാ​ക്കു​ന്ന​താ​യി പ​രാ​തി. നെ​ട്ടൂ​ർ സ്വ​ദേ​ശി അ​നി​ത് എ​ന്ന​യാ​ളെ​യാ​ണ് പ​ന​ങ്ങാ​ട് പോ​ലീ​സ് ഒ​രു രാ​ത്രി ഉ​റ​ക്കം കെ​ടു​ത്തി​യ​ത്.​ ഞാ​യ​ർ വൈ​കി​ട്ട് നെ​ട്ടൂ​ർ പി.ഡബ്ല്യു.ഡി ​റോ​ഡി​ലാ​ണ് സം​ഭ​വ​ങ്ങ​ളു​ടെ തു​ട​ക്കം.

ര​ണ്ടു വാ​ഹ​ന​ങ്ങ​ളി​ലാ​യി എ​ത്തി​യ പോ​ലീ​സ് സം​ഘം വാ​ഹ​ന പ​രി​ശോ​ധ​ന ന​ട​ത്തു​ന്ന​ത് അ​തു​വ​ഴി ക​ട​ന്നു പോ​കു​മ്പോ​ൾ നെ​ട്ടൂ​ർ സ്വ​ദേ​ശി​​യാ​യ ആ​ൾ മൊ​ബൈ​ലി​ൽ പ​ക​ർ​ത്തി. ഇ​തു ശ്ര​ദ്ധ​യി​ൽ​പ്പെ​ട്ട​തി​നെത്തു​ട​ർന്ന് പോ​ലീ​സ് വാ​ഹ​നം ത​ട​ഞ്ഞു നി​ർ​ത്തി താ​ക്കോ​ൽ ഊ​രി​യെ​ടു​ക്കു​ക​യാ​യി​രു​ന്നെന്ന് ദൃ​ക്സാ​ക്ഷി​ക​ൾ പ​റ​ഞ്ഞു. തു​ട​ർന്ന് വാ​ഹ​ന​ത്തി​ന്‍റെ രേ​ഖ​ക​ൾ കാ​ണി​ക്കാ​ൻ ആ​വ​ശ്യ​പ്പെ​ട്ടു. ര​ജി​സ്ട്രേ​ഷ​ൻ രേ​ഖ​ക​ൾ വീ​ട്ടി​ലു​ണ്ടെ​ന്നും ഹാ​ജ​രാ​ക്കാ​മെന്ന്​ പ​റ​ഞ്ഞു സ​മീ​പ​ത്തു​ത​ന്നെ​യു​ള്ള വീ​ട്ടി​ൽ പോ​യി വാ​ഹ​ന​രേ​ഖ​ക​ളു​മാ​യി തി​രി​കെ എ​ത്തി​യ​പ്പോ​ഴേ​ക്കും സ്കൂ​ട്ട​റു​മാ​യി പോ​ലീ​സ് സ്ഥ​ലം വി​ട്ടി​രു​ന്നു.

തു​ട​ർ​ന്ന് പ​ന​ങ്ങാ​ട് സ്റ്റേ​ഷ​നി​ൽ ബ​ന്ധ​പ്പെ​ട്ട​പ്പോ​ഴാ​വ​ട്ടെ, ഭീ​ഷ​ണി സ്വ​ര​ത്തി​ലാ​യി​രു​ന്നു​ മ​റു​പ​ടി. പി​ന്നീട് വാ​ഹ​നം തി​രി​കെ കി​ട്ടാ​ൻ ര​ണ്ടു ത​വ​ണ സ്റ്റേ​ഷ​നി​ൽ ചെ​ന്നെ​ങ്കി​ലും രാ​വി​ലെ വ​രാ​ൻ പ​റ​ഞ്ഞു മ​ട​ക്കി വി​ട്ടു. പ​ണ​വും എ​.ടി​.എം കാ​ർ​ഡ് അ​ട​ങ്ങു​ന്ന പേ​ഴ്സും പ്രാ​യ​മാ​യ അ​മ്മയ്ക്കു വേ​ണ്ടി​യു​ള്ള മ​രു​ന്നും സ്കൂ​ട്ട​റി​ൽ സൂ​ക്ഷി​ച്ചി​ട്ടു​ണ്ടെന്ന് വാ​ഹ​ന​ത്തി​ന്‍റെ രേ​ഖ​ക​ൾ കാ​ണി​ച്ച് അ​റി​യി​ച്ചെ​ങ്കി​ലും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ന്‍റെ അ​നു​മ​തി ഇ​ല്ലാ​തെ സ്കൂ​ട്ട​ർ ന​ൽ​കാ​ൻ ക​ഴി​യി​ല്ലെ​ന്ന നി​ല​പാ​ടി​ലാ​യി​രു​ന്നു പോ​ലീ​സ്.

ഭാ​ര്യ​യു​ടെ പേ​രി​ലു​ള്ള സ്കൂ​ട്ട​ർ വി​ട്ടു​കി​ട്ടാ​ൻ ഇ​ന്നു രാ​വി​ലെ മൂ​ന്നാം വ​ട്ട​വും സ്റ്റേ​ഷ​നി​ൽ എ​ത്തി​യെ​ങ്കി​ലും പോ​ലീ​സി​ന്‍റെ ഭാ​ഗ​ത്തു നി​ന്നും ഇ​തു​വ​രെ ന​ട​പ​ടി ഉ​ണ്ടാ​യി​ട്ടി​ല്ല. പോ​ലീ​സ് ന​ട​പ​ടി​ക​ളു​ടെ ദൃ​ശ്യ​ങ്ങ​ൾ പ​ക​ർ​ത്തു​ന്ന​തിന് കേ​ര​ളാ പോ​ലീ​സ് ആ​ക്റ്റ് പ്ര​കാ​രം പൊ​തു​ജ​ന​ങ്ങ​ൾ​ക്ക് അ​നു​മ​തി ന​ൽ​കി​യി​ട്ടു​ണ്ട്. ഈ ​സാ​ഹ​ച​ര്യ​ത്തി​ലാ​ണ് ദൃ​ശ്യ​ങ്ങ​ൾ പ​ക​ർ​ത്തി​യ​തിന്‍റെ പേ​രി​ൽ വാ​ഹ​നം ത​ട​ഞ്ഞ് താ​ക്കോ​ൽ ഊ​രി​യെ​ടു​ത്തു സ്റ്റേ​ഷ​നി​ൽ വി​ളി​ച്ചു വ​രു​ത്തി​യും മ​റ്റും പീ​ഡി​പ്പി​ക്കു​ന്ന സം​ഭ​വം വി​വാ​ദ​മാ​വു​ന്ന​ത്.