ഇ​രി​ട്ടി: കേ​ര​ള അ​തി​ർ​ത്തി​യി​ലെ താ​മ​സ​ക്കാ​ർ​ക്ക് ക​ർ​ണ്ണാ​ട​ക​യു​ടെ കു​ടി​യി​റ​ക്ക് ഭീ​ഷ​ണി. മാ​ക്കൂ​ട്ട​ത്തെ പു​ഴ​യോ​ര​ത്ത് താ​മ​സി​ക്കു​ന്ന കു​ടും​ബ​ങ്ങ​ളോ​ടാ​ണ് ഒ​രു ദി​വ​സ​ത്തി​നു​ള്ളി​ൽ വീ​ടൊ​ഴി​ഞ്ഞു പോ​കാ​ൻ ക​ർ​ണ്ണാ​ട​ക അ​ധി​കൃ​ത​ർ ആ​വ​ശ്യ​പ്പെ​ട്ട​ത്. ഇ​തോ​ടെ 60 വ​ർ​ഷ​ത്തി​ല​ധി​ക​മാ​യി താ​മ​സി​ച്ചു​വ​രു​ന്ന കു​ടും​ബ​ങ്ങ​ൾ എ​ങ്ങോ​ട്ട് പോ​ക​ണ​മെ​ന്ന​റി​യാ​തെ നി​സ്സം​ഗ​ത​യി​ലാ​ണ്. 

ഇ​ത് കേ​ര​ള​ത്തിന്റെ  സ്ഥ​ല​മ​​ല്ല​ന്നും ക​ർ​ണാ​ട​ക​യു​ടെ ഭാ​ഗ​മാ​ണെ​ന്നു​മാ​ണ് ക​ർണ്ണാ​ട​ക അ​ധി​കൃ​ത​രു​ടെ വാ​ദം. ഇ​തോ​ടെ എ​ങ്ങോ​ട്ട് പോ​ക​ണ​മെ​ന്ന് അ​റി​യാ​ത്ത അ​വ​സ്ഥ​യി​ലാ​ണ് ഇ​വി​ടെ​യു​ള്ള താ​മ​സ​ക്കാ​ർ. കേ​ര​ള​ത്തിന്റെ  ഭൂ​മി​യി​ൽ താ​മ​സി​ക്കു​ന്ന തെ​ക്ക​ഞ്ചേ​രി സി​ദ്ദീ​ഖ്, ഫാ​ത്തി​മ, ജ​മീ​ല എ​ന്നി​വ​രു​ടെ കു​ടും​ബ​ങ്ങ​ളോ​ടാ​ണ് വീ​ടു​ക​ൾ വി​ട്ടു​പോ​വാ​ൻ ആ​വ​ശ്യ​പ്പെ​ട്ട​ത്. ഇ​വി​ടെ​ത്ത​ന്നെ​യു​ള്ള സാ​ജി​റിന്റെ  ക​ച്ച​വ​ട സ്ഥാ​പ​നം പൂ​ട്ടാ​നും ആ​വ​ശ്യ​പ്പെ​ട്ടു​ക​ഴി​ഞ്ഞു. ക​ർ​ണാ​ട​ക​ത്തി​ലെ ഉ​ന്ന​ത വ​നം വ​കു​പ്പ് ഉ​ദ്യോ​ഗ​സ്ഥ​രാ​ണ് ഇ​വി​ടെ​യെ​ത്തി താ​മ​സ​ക്കാ​രോ​ട് ഒ​ഴി​യാ​ൻ ആ​വ​ശ്യ​പ്പെ​ട്ട​തെ​ന്നാ​ണ് ഇ​വ​ർ പ​റ​യു​ന്ന​ത്. 

വ​ർ​ഷ​ങ്ങ​ൾ​ക്കു​മു​മ്പ്​ ക​ർ​ണ്ണാ​ട​ക, കേ​ര​ള​ത്തിന്റെ  അ​ധീ​ന​ത​യി​ലു​ള്ള ഏ​ക്ക​ർ ക​ണ​ക്കി​ന് ഭൂ​മി ക​ർ​ണ്ണാ​ട​ക അ​തി​ർ​ത്തി​യി​ലെ സ​ർ​വേ​ക്ക​ല്ല് മാ​റ്റി സ്ഥാ​പി​ച്ച് കൈ​ക്ക​ലാ​ക്കി​യി​രു​ന്നു. ഇ​തേ​ത്തു​ട​ർ​ന്ന് കേ​ര​ള-​ക​ർ​ണ്ണാ​ട​ക സം​യു​ക്ത സ​ർ​വേ ന​ട​ത്തു​ക​യു​മു​ണ്ടാ​യി. എ​ന്നാ​ൽ, ഘ​ട്ടം​ഘ​ട്ട​മാ​യി ക​ർ​ണ്ണാട​ക ആ ​സ്ഥ​ല​ങ്ങ​ളെ​ല്ലാം കൈ​ക്ക​ലാ​ക്കു​ക​യാ​യി​രു​ന്നു. കൂ​ട്ടു​പു​ഴ പാ​ലം നി​ർ​മാ​ണ​വു​മാ​യി ബ​ന്ധ​പ്പെ​ട്ട് ക​ർ​ണാ​ട​ക ഒ​ട്ടേ​റെ അ​വ​കാ​ശ​വാ​ദ​ങ്ങ​ൾ ഉ​ന്ന​യി​ച്ചി​രു​ന്നു. എ​ന്നാ​ൽ, ഇ​തൊ​ന്നും ഗൗ​ര​വ​ത്തി​ൽ എ​ടു​ക്കാ​ത്ത സ്ഥി​തി​യാ​ണ് കേ​ര​ള​ത്തിന്റെ  ഭാ​ഗ​ത്തു​നി​ന്നു​ണ്ടാ​യ​ത്. 

കേ​ര​ള​ത്തി​ലാ​ണ് ഇ​വ​രു​ടെ വീ​ടെ​ങ്കി​ൽ അ​ത് തെ​ളി​യി​ക്കു​ന്ന രേ​ഖ​ക​ൾ എ​ത്തി​ക്കാ​നാ​ണ് ആ​വ​ശ്യ​പ്പെ​ട്ടി​രി​ക്കു​ന്ന​ത്. 60 വ​ർ​ഷ​ത്തി​ല​ധി​കം താ​മ​സി​ച്ചു​വ​രു​ന്ന കു​ടും​ബ​ങ്ങ​ൾ കു​ടി​യി​റ​ക്ക് ഭീ​ഷ​ണി​യി​ലാ​ണ്. കേ​ര​ള​ത്തിന്റെ  ഭൂ​മി​ക്കാ​യി മു​ഖ്യ​മ​ന്ത്രി ഉ​ൾ​പ്പെ​ടെ​യു​ള്ള​വ​ർ ഇ​ട​പെ​ട​ണ​മെ​ന്ന്, സം​ഭ​വ​മ​റി​ഞ്ഞ് സ്ഥ​ല​ത്തെ​ത്തി​യ ഇ​രി​ട്ടി ബ്ലോ​ക്ക് കോ​ൺ​ഗ്ര​സ് പ്ര​സി​ഡ​ൻ​റ്​ തോ​മ​സ് വ​ർ​ഗീ​സ് ആ​വ​ശ്യ​പ്പെ​ട്ടു. ഇ​വി​ടെ താ​മ​സി​ക്കു​ന്ന മി​ക്ക കു​ടും​ബ​ങ്ങ​ളും കൂ​ലി​പ്പ​ണി​ക്കാ​രാ​ണ്. എ​ല്ലാ വീ​ടു​ക​ൾ​ക്കും പാ​യം ഗ്രാ​മ പ​ഞ്ചാ​യ​ത്തിന്റെ വീ​ട്ടു​ന​മ്പ​ർ ഉ​ൾ​പ്പെ​ടെ ന​മ്പ​ർ പ​തി​ച്ചി​ട്ടു​ണ്ട്. ബ​ന്ധ​പ്പെ​ട്ട അ​ധി​കൃ​ത​ർ ഉ​ട​ൻ ഇ​ട​പെ​ട്ട്, ഭീ​തി​യു​ടെ നി​ഴ​ലി​ലാ​യ ഇ​വ​രു​ടെ വീ​ടി​നും സ്വ​ത്തി​നും സം​ര​ക്ഷ​ണം ഒ​രു​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.