സാത്വിക് എന്ന ഏഴുവയസ്സുകാരൻ ദിനോസറുകളുടെ ഒരു കൊച്ചു എൻസൈക്ലോപീഡിയ ആണ്. നൂറുകണക്കിന് ദിനോസറുകളെകുറിച്ച് ഈ കൊച്ചുമിടുക്കന് അറിയാം. ആറാം വയസ്സിൽ 101 ദിനോസറുകളെ അവയുടെ ഭക്ഷണ രീതിയും പ്രത്യേകതകളും വിശദീകരിച്ചു കൊണ്ട് ഏഷ്യാ ബുക്ക് ഓഫ് റെക്കോർഡ്സിലും ഇന്ത്യ ബുക്ക് ഓഫ് റെക്കോർഡ്സിലും സാത്വിക് ഇടം നേടി കഴിഞ്ഞു. വെറും മൂന്ന് മിനിറ്റ് 36 സെക്കന്റിനുള്ളിൽ ആണ് സാത്വിക് 101 ദിനോസറുകളെകുറിച്ച് വിശദീകരിച്ചത്. അമേരിക്കയിൽ താമസിക്കുന്ന തൃശൂർ സ്വദേശിയായ ആനന്ദിന്റെയും, തൃപ്പുണിത്തുറ സ്വദേശിനിയായ ശിൽപയുടെയും ഏക മകനാണ് സാത്വിക് കരോളിൽ ആനന്ദ്.

പ്രശസ്തമായ എലെൻ ഷോ എന്ന എൻബിസി ചാനലിലെ പരിപാടിയിൽ പങ്കെടുക്കുന്ന രണ്ടാമത്തെ മലയാളി താരമാണ് സാത്വിക്. പുസ്തകങ്ങളിലൂടെ അറിഞ്ഞ ദിനോസറുകളുടെ ലോകം തന്റെ യൂട്യൂബ് ചാനൽ ആയ സാത്വി’സ് ഫൺ ക്ലബ്ബിലൂടെ ലോകത്തിനു പരിചയപ്പെടുത്തിക്കൊണ്ടാണ് സാത്വിക് ശ്രദ്ധയാകർഷിച്ചത്.

പ്രശസ്തമായ എലെൻ ഷോ എന്ന എൻബിസി ചാനലിലെ പരിപാടിയിൽ പങ്കെടുക്കുന്ന രണ്ടാമത്തെ മലയാളി താരമാണ് സാത്വിക്. പുസ്തകങ്ങളിലൂടെ അറിഞ്ഞ ദിനോസറുകളുടെ ലോകം തന്റെ യൂട്യൂബ് ചാനൽ ആയ സാത്വി’സ് ഫൺ ക്ലബ്ബിലൂടെ ലോകത്തിനു പരിചയപ്പെടുത്തിക്കൊണ്ടാണ് സാത്വിക് ശ്രദ്ധയാകർഷിച്ചത്.

സാത്വിക് നാല് വയസ്സ് മുതൽ വായിക്കാൻ തുടങ്ങി. കുഞ്ഞിലെ മുതൽ അവനു ദിനോസറുകൾ ഇഷ്ട വിഷയമായിരുന്നു. അതുകൊണ്ട് തന്നെ അവൻ അതിനെക്കുറിച്ചുള്ള പുസ്തകങ്ങൾ വായിക്കാൻ നല്ല താല്പര്യം കാണിച്ചിരുന്നു. അവൻ കൂടുതൽ ദിനോസറുകളുടെ കാര്യം പറയാൻ തുടങ്ങിയപ്പോൾ അവനു ദിനോസറുകളുടെ ചിത്രം കാണിച്ചാൽ തിരിച്ചറിയാമോ എന്ന് ചോദിച്ചു. ചില ചിത്രങ്ങൾ അവൻ കൃത്യമായി തിരിച്ചറിഞ്ഞു. പിന്നെ അവനോടു ഓരോന്നിന്റെയും പ്രത്യേകതകളും ഭക്ഷണ രീതികളും മനസ്സിലാക്കാൻ പ്രോത്സാഹിപ്പിച്ചു. കുറെ ഒക്കെ ഞാൻ പറയും മുമ്പേ അവൻ മനസ്സിലാക്കി വെച്ചിരുന്നു. അവന്റെ താൽപര്യം കണ്ടപ്പോൾ ഒരു 101 ദിനോസറുകളുടെ ചിത്രങ്ങൾ കൊടുത്ത് അവയെക്കുറിച്ച് വായിച്ചു മനസ്സിലാക്കാൻ പറഞ്ഞു. അങ്ങനെ ആണ് യൂട്യൂബ് വീഡിയോസ് ചെയ്തു തുടങ്ങിയത്,’സാത്വികിന്റെ അമ്മ ശില്പ പറഞ്ഞു.