കണ്ണൂർ :  ഉയർന്ന ഉല്പാദന ശേഷിയുള്ളതും വിത്യസ്ത രുചിയുള്ളതും തുടർച്ചയായി കായ്കൾ ഉണ്ടാവുന്നതുമായ നാടൻ പ്ലാവുകൾ കണ്ടെത്തുന്നതിന് ഹരിതകേരളം മിഷനും കണ്ണൂർ കൃഷി വിജ്ഞാന കേന്ദ്രവും സർവ്വെ സംഘടിപ്പിക്കുന്നു. നാടൻ പ്ലാവുകളെ പ്രോൽസാഹിപിക്കുന്നതിന് തൈകൾ ഉല്പാദിപ്പിക്കുന്നതിനും തോട്ടങ്ങൾ ഉണ്ടാക്കുന്നതിനും ലക്ഷ്യമിട്ടാണ് സർവ്വെ.

ജില്ലയിലെ കാർഷിക കാലാവസ്ഥാ മേഖലകളെ അടിസ്ഥാനമാക്കിയാണ് ഫലവൃക്ഷങ്ങളുടെ ഗുണമേന്മകൾ നിലനില്ക്കുന്നത്. എന്നതിനാൽ വിവരശേഖരണവും തുടർ പ്രവർത്തനങ്ങളും കാർഷിക കാലാവസ്ഥയെ അടിസ്ഥാനമാക്കിയായിരിക്കും.

എന്തൊക്കെ വിവരങ്ങളാണ്. ശേഖരിക്കുന്നത് ?

▪️പ്ലാവിന്റെ ഉടമസ്ഥന്റെ പേര, വിലാസം, മൊബൈൽ ഫോൺ നമ്പർ , ഗ്രാമ പഞ്ചായത്ത് / നഗരസഭ

▪️പ്ലാവ് പൂവിട്ട മാസം.

▪️ പ്രസ്തുത പ്ലാവിൽ നിന്ന് അവസാനം ചക്ക പറിച്ചെടുത്ത മാസം, വർഷം.

▪️അത് നില്ക്കുന്ന സ്ഥലം.

▪️പ്ലാവിന്റെ ഏകദേശ ഉയരം.

▪️മറ്റ് എന്തെങ്കിലും പ്രത്യേകതകൾ ഉണ്ടെങ്കിൽ അത് എന്നിവ.

ആര് ശേഖരിക്കും ?

ഇത്തരം പ്ലാവുകളുടെ വിവരങ്ങൾ സ്വയം നല്കാൻ തയ്യാറുള്ള കർഷകർക്ക് നേരിട്ട് സർവ്വെയിൽ പകെടുക്കാം.

▪️ വിവരങ്ങൾ കൈമാറാൻ തയ്യാറുള്ള പൊതുജനങ്ങൾക്കും സർവെയിൽ പങ്കെടുക്കാം.

▪️ ഹരിത കർമ്മ സേന അംഗങ്ങൾ മുഖാന്തിരവും വിവരങ്ങൾ കൈമാറാം.

▪️കാർഷിക രംഗത്തെ വിവിധ സംഘടനകളുടെ സേവനവും വിവരശേഖരണത്തിന് ഉപയോഗിക്കും

ഏതു ദിവസം വരെ വിവര ശേഖരണം നടത്താം. ?

2021 ഡിസംബർ 11 വരെയാണ് വിവര ശേഖരണ കാലയളവ്.

തുടർ പ്രവർത്തനങ്ങൾ എന്തൊക്കെ?

ശേഖരിച്ച വിവരങ്ങൾ ജില്ലാ തലത്തിൽ അപഗ്രഥിക്കും. ഇവയിൽ നിന്ന് മികച്ച ഗുണനിലവാരം പുലർത്തുന്ന പ്ലാവുകളെ ടാഗ് ചെയ്യലാണ് അടുത്ത നടപടി. ഗൃഹനാഥന്റെ പേരിലാവും ടാഗിങ്ങ്. ഹരിത കേരളം മിഷനും കെ.വി.കെയും നിശ്ചയിക്കുന്ന വളങ്ങിയർ നേരിട്ട് പ്ലാവ് സന്ദർശിച്ചാണ് ടാഗിങ്ങ് ചെയ്യുക. അതോടൊപ്പം പ്ലാവിൻറ ഉടമകളെ ജില്ലാതലത്തിൽ ആദരിക്കുകയും ചെയ്യും. ഇത്തരത്തിൽ ടാഗ് ചെയ്ത പ്ലാവിൽ ഉണ്ടാവുന്ന ചക്കയുടെ ഗുണങ്ങൾ ശാസ്ത്രീയ പരിശോധനക്ക് വിധേയമാക്കും. ടാഗ് ചെയ്ത പ്ലാവിൻറെ ഗ്രാഫ്ട് തൈകൾ ഉല്പാദിപ്പിച്ച് അതേ കാർഷിക കാലാവസ്ഥ ഉള്ള പ്രദേശങ്ങൾ കണ്ടെത്തി പ്ലാവിൻ തോട്ടങ്ങൾ നട്ടുവളർത്തും. ഒക്ടോബർ – നവംബർ മാസങ്ങളിലായ് പൂവിട്ട പ്ലാവുകളുടെ വിവരങ്ങൾ കർഷകക്ക് ഇനി ചേർത്ത വാട്ട്സ്അപ് നമ്പരുകളിൽ നല്കാവുന്നതാണ്. ▪️8129218246   ▪️9747245615