പേരാവൂർ:പേരാവൂർ ടൗണിലെ നടപ്പാതകളിലൂടെ ആളുകൾക്ക് നടക്കാൻ കഴിയുന്നില്ലെന്ന് പരാതി.നടപ്പാതകൾ ഭൂരിഭാഗവും ഏതാനുംവ്യാപാരികൾ കയ്യടക്കിയതോടെയാണ് ടൗണിലെത്തുന്ന ഉപഭോക്താക്കളിലൊരാൾ അധികൃതർക്ക് പരാതി നല്കിയത്.

അവരവരുടെ കടകൾക്കുള്ളിൽ വെച്ച് വില്പന നടത്തേണ്ട സാധനങ്ങൾ നടപ്പാതയിൽ ഇറക്കി വെച്ചാണ് ചിലർ കച്ചവടം ചെയ്യുന്നത്.പൊതുജനമാവട്ടെ നടപ്പാതകൾ ഒഴിവാക്കി പൊതു റോഡിലൂടെ നടന്നു പോവേണ്ട അവസ്ഥയിലുമാണ്.സ്ഥിരം ഗതാഗതക്കുരുക്കുള്ള ഇവിടെ കാൽ നടയാത്രക്കാർ ഫൂട്പാത്തിലുടെ നടക്കുമ്പോൾ ശ്രദ്ധിച്ച് നടന്നില്ലെങ്കിൽ അപകടങ്ങൾ ഉറപ്പാണ്.ചില കടകളിൽ നിന്നും സാധനങ്ങൾ വാങ്ങണമെങ്കിൽ നടപ്പാതയിൽ നിന്ന് വാങ്ങേണ്ട ഗതികേടിലുമാണ് ഉപഭോക്താക്കൾ.

കഴിഞ്ഞ ദിവസമാണ് നടപ്പാതയിൽ ഇറക്കിവച്ചസാധനങ്ങളിൽ തട്ടി വീണ് വീട്ടമ്മയ്ക്ക് പരിക്കേറ്റത്.കാലുതെറ്റി വീണ ഇവർക്ക് സാരമായി പരിക്കേൽക്കുകയും ചെയ്തു.നടപ്പാതയിൽ ഇറക്കി വെച്ച സാധനം മുൻപൊരിക്കൽ കാൽ നടയാത്രക്കാരൻ വലിച്ച് റോഡിലിട്ട സംഭവം പേരാവൂരിലുണ്ടായിട്ടുണ്ട്.ഇത്തരത്തിൽ കാൽ നടയാത്രക്കാർ പ്രതികരിക്കേണ്ട അവസ്ഥയായിട്ടും പഞ്ചായത്തധികൃതരോ പോലീസോ ആതൊരു നടപടിയും സ്വീകരിക്കുന്നില്ല.

ഈയൊരു സാഹചര്യത്തിലാണ് ഇത് സംബന്ധിച്ച് ഉന്നത അധികൃതർക്കൊരാൾ പരാതി നല്കിയത്.