Breaking News
തദ്ദേശസ്വംയംഭരണ സ്ഥാപനങ്ങളില്‍ ചൈല്‍ഡ് പ്രൊട്ടക്ഷന്‍ കമ്മിറ്റികള്‍ രൂപീകരിക്കും
കണ്ണൂർ:കുട്ടികള്‍ക്കെതിരെ അതിക്രമങ്ങള്‍ തടയുന്നതിനായി തദ്ദേശസ്വംയംഭരണ സ്ഥാപനങ്ങളില്‍ ചൈല്‍ഡ് പ്രൊട്ടക്ഷന്‍ കമ്മിറ്റികള്‍ (സിപിസി) രൂപീകരിക്കാന്‍ ജില്ലാ കലക്ടര്‍ എസ് ചന്ദ്രശേഖര്‍ നിര്‍ദ്ദേശം നല്‍കി. ചൈല്‍ഡ് ലൈന്‍ ജില്ലാതല ഉപദേശക സമിതി യോഗത്തില്‍ സംസാരിക്കുകയായിരുന്നു അദ്ദേഹം. സിപിസി അംഗങ്ങള്‍ക്ക് ബന്ധപ്പെട്ട വിഷയങ്ങളില്‍ ചൈല്‍ഡ്‌ലൈനുമായി ചേര്‍ന്ന് പരിശീലനവും നല്‍കും. സ്‌കൂള്‍ തുറക്കുന്ന സാഹചര്യത്തില്‍ സ്‌കൂളുകളിലും പരാതിപ്പെട്ടി സ്ഥാപിക്കാനും കലക്ടര്‍ നിര്‍ദ്ദേശം നല്‍കി. പ്രശ്‌നങ്ങള്‍ തുറന്ന് പറയാന്‍ മടിക്കുന്ന കുട്ടികള്‍ ഇത് സഹായകരമാവും.
മുഴുവന്‍ പഞ്ചായത്തുകളിലും പ്രാഥമികാരോഗ്യ കേന്ദ്രങ്ങളിലും ബാലസൗഹൃദ ചുമര്‍ ചിത്രങ്ങളും ഹെല്‍പ്‌ലൈന്‍ നമ്പറുകളും പ്രദര്‍ശിപ്പിക്കുവാന്‍ ഡിഡിപി, ഡിഎംഒ എന്നിവര്‍ക്കും യോഗത്തില്‍ നിര്‍ദ്ദേശം നല്‍കി. പൊതുഗതാഗത സംവിധാനങ്ങളിലും ചൈല്‍ഡ്‌ലൈനിന്റെയും പൊലീസിന്റെയും മറ്റ് ഹെല്‍പ്പ്‌ലൈന്‍, ടോള്‍ ഫ്രീ നമ്പറുകളും പ്രദര്‍ശിപ്പിക്കുന്നതിന് കലക്ടര്‍ ആര്‍ ടി ഒക്ക് നിര്‍ദ്ദേശം നല്‍കി. മാതാപിതാക്കള്‍ക്ക് ബോധവല്‍ക്കരണം നല്‍കുന്നതിനായി കുടുംബശ്രീയുമായി ചേര്‍ന്ന് ‘അമ്മ അറിയാന്‍’ പരിശീലന പരിപാടി സംഘടിപ്പിക്കും. ഇതിന്റെ ഭാഗമായി സിഡിഎസ്, എഡിഎസ് മെമ്പര്‍മാര്‍ക്ക് പരിശീലനം നല്‍കും. ജില്ലാ യുവജന ക്ഷേമ ബോര്‍ഡും നെഹ്‌റു യുവകേന്ദ്രവും സഹകരിച്ച് കുട്ടികളുടെ നിയമത്തെക്കുറിച്ചുള്ള ബോധവല്‍ക്കരണം നടത്തണം. റെയില്‍വെ സ്റ്റേഷനുകളിലും അസ്വാഭാവിക സാഹചര്യങ്ങളില്‍ കണ്ടെത്തുന്ന കുട്ടികളെ സംരക്ഷിക്കുന്നതിന് റെയില്‍വേ ചൈല്‍ഡ് പ്രൊട്ടക്ഷന്‍ ടീം രൂപീകരിക്കാനും ജി ആര്‍ പി, ആര്‍ പി എഫ് ഉദ്യോഗസ്ഥര്‍ക്ക് പരിശീലനം നല്‍കാനും യോഗത്തില്‍ തീരുമാനമായി.
ജില്ലയിലെ മുഴുവന്‍ പൊലീസ് സ്റ്റേഷനുകളിലും ചൈല്‍ഡ്‌ലൈന്‍, ചൈല്‍ഡ് പ്രൊട്ടക്ഷന്‍ കമ്മിറ്റി സംവിധാനങ്ങളുടെ നമ്പറുകള്‍ പ്രദര്‍ശിപ്പിക്കും. കുട്ടികളുടെ സുരക്ഷ സംബന്ധിച്ച് പ്രധാന അധ്യാപകര്‍ക്കുള്ള പരിശീലനം രണ്ട് മാസത്തിനുള്ളില്‍ പൂര്‍ത്തിയാക്കണം. തുടര്‍ന്ന് ജില്ലയിലെ മുഴുവന്‍ അധ്യാപകര്‍ക്കും പരിശീലനം നല്‍കാനും ജില്ലാ കലക്ടര്‍ നിര്‍ദ്ദേശം നല്‍കി.കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ അഡീഷണല്‍ എസ് പി പ്രിന്‍സ് എബ്രഹാം, സ്‌പെഷ്യല്‍ ബ്രാഞ്ച് ഡി വൈ എസ് പി എം പി വിനോദ്, ചൈല്‍ഡ്‌ലൈന്‍ സംസ്ഥാന കോ ഓഡിനേറ്റര്‍ മനോജ് ജോസഫ്, ജില്ലാ കോ ഓഡിനേറ്റര്‍ അമല്‍ജിത്ത് തോമസ്, വിവിധ വകുപ്പ് ഉദ്യോഗസ്ഥര്‍ എന്നിവര്‍ പങ്കെടുത്തു.
ചെന്നൈ: വ്യവസായിയും സിനിമാ നിർമാതാവുമായ ഗോകുലം ഗോപാലന്‍റെ സ്ഥാപനത്തിൽ എൻഫോഴ്സ്മെന്‍റ് ഡയറക്ടറേറ്റിന്‍റെ പരിശോധന. ചെന്നൈ കോടമ്പാക്കത്തുള്ള ഗോകുലം ചിറ്റ്സ് ഫിനാൻസിന്‍റെ കോർപ്പറേറ്റ് ഓഫീസിലാണ് റെയ്ഡ്. ഇഡി കൊച്ചി യൂണിറ്റിലെ ഉദ്യോഗസ്ഥരും പരിശോധനയിൽ പങ്കെടുക്കുന്നുണ്ട്. രാവിലെ മുതലാണ് പരിശോധന ആരംഭിച്ചത്. 2023 ഏപ്രിലിൽ ഗോകുലം ഗോപാലനെ ഇഡി ചോദ്യംചെയ്തിരുന്നു. കൂടുതൽ വിവരങ്ങൾ ലഭ്യമല്ല.
ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
You must be logged in to post a comment Login