Connect with us

Breaking News

വിഷം തീണ്ടി കണ്ണൂർ നഗരം

Published

on


കണ്ണൂർ : മെട്രോപോളിറ്റൻ നഗരങ്ങൾക്ക്‌ സമാനമായി കണ്ണൂർ നഗരത്തിൽ വായുമലിനീകരണം രൂക്ഷം. അറബിക്കടലിന്‌ മുകളിൽ രൂപംകൊള്ളുന്ന മലിനീകരണ വാതകങ്ങൾ പടിഞ്ഞാറൻ കാറ്റിനൊപ്പം നഗരത്തിലെത്തുന്നതാണ്‌ മലിനീകരണം കൂടാൻ കാരണം. വായുമലിനീകരണത്തിന്‌ കാരണമായ നൈട്രസ് ഓക്സൈഡ്‌, കാർബൺ സംയുക്തങ്ങൾ, അമോണിയ, മീഥേയ്ൻ, നോൺ മീഥേയ്‌ൻ ഹൈഡ്രോ കാർബൺ, സൾഫർ ഓക്സൈഡ്‌, കാർബൺ സംയുക്തങ്ങൾ എന്നിവയുടെ രാസസംയോജനം കണ്ണൂർ നഗരത്തിൽ കൂടുതലാണ്‌. കണ്ണൂരിന്റെ കാലാവസ്ഥയിലും അന്തരീക്ഷത്തിലും ഇത്‌ ഗണ്യമായ സ്വാധീനം ചെലുത്തിയതായും കണ്ണൂർ സ്വദേശികളായ അന്തരീക്ഷ ശാസ്ത്ര ഗവേഷകർ നടത്തിയ പഠനം കണ്ടെത്തി. 2019 സെപ്‌തംബർ മുതൽ 2020 ആഗസ്‌ത്‌ വരെയായിരുന്നു പഠനം.

യൂറോപ്യൻ സെന്റർ ഫോർ മീഡിയം റേഞ്ച് വെതർ ഫോർ കാസ്‌റ്റ്‌ സാറ്റലൈറ്റിൽ കണ്ണൂർ നഗരം പ്രത്യേകമായി പരിശോധിച്ചപ്പോൾ ഇവിടെ വാതകങ്ങൾ കൂടുതലായി തങ്ങിനിൽക്കുന്നതായി കണ്ടെത്തി. അന്തരീക്ഷത്തിലെ ട്രോപ്പോസ്‌ഫിയറിലെ അതിർത്തിപാളികളുടെ ഉയരം ശൈത്യകാലത്ത് വളരെ ചെറുതായതിനാലാണിത്‌.
വലിയ വ്യവസായശാലകൾ ഇല്ലാതിരുന്നിട്ടും അന്തരീക്ഷ മലിനീകരണം കൂടുന്നതിന്റെ കാരണങ്ങളും പഠനം പറയുന്നു. ബോട്ടുകളിലും കപ്പലുകളിലും ഉപയോഗിക്കുന്ന ഇന്ധനം പുറന്തള്ളുന്ന രാസവസ്‌തുക്കളാണ്‌ അറബിക്കടലിന്റെ അന്തരീക്ഷത്തിൽ മലിനീകരണം സൃഷ്‌ടിക്കുന്നതെന്നാണ്‌ വിലയിരുത്തൽ. വാഹനങ്ങളുടെ എണ്ണം വർധിച്ചതും നഗരവൽക്കരണവും അന്തരീക്ഷ മലിനീകരണത്തെ സ്വാധീനിക്കുന്നു.

ഇത്‌ സാമൂഹ്യാരോഗ്യത്തിനും കാലാവസ്ഥാ സന്തുലനത്തിനും ഗുരുതരമായ ഭീഷണിയാവുന്നുമുണ്ട്‌.
ഉത്തരമലബാറിൽ ഇന്ത്യൻ സ്പേസ് റിസർച്ച് ഓർഗനൈസേഷൻ ഒരുക്കിയ നിരീക്ഷണകേന്ദ്രത്തിന്റെയും കേരള ശാസ്ത്ര സാങ്കേതിക പരിസ്ഥിതി കൗൺസിലിന്റെയും സഹകരണത്തോടെയാണ്‌ പഠനം. ഗുരുവായൂർ ശ്രീകൃഷ്ണ കോളേജ്‌ ഫിസിക്സ് വിഭാഗം അസിസ്റ്റന്റ്‌ പ്രൊഫസർ കണ്ണപുരം മൊട്ടമ്മലെ ഡോ. ടി. നിഷാന്ത്, മണിപ്പാൽ സർവകലാശാല വിസിറ്റിങ്‌ പ്രൊഫസർ അഴീക്കോടെ ഡോ. എം.കെ. സതീഷ് കുമാർ, അമേരിക്കയിലെ ലൂസിയാന സർവകലാശാല കെമിക്കൽ എൻജിനിയറിങ്‌ വിഭാഗം അധ്യാപകൻ തലശേരിയിലെ പ്രൊഫ. കല്യാട്ട്‌ വത്സരാജ്‌, ഭാരതീയാർ സർവകലാശാല അന്തരീക്ഷ ശാസ്ത്ര പഠന വിഭാഗം ഗവേഷക സി.ടി. രശ്മി, ചൈനയിലെ നാഞ്ചിങ്‌ സർവകലാശാലയിലെ പ്രൊഫ. ജിയാൻ ലിൻ ഹു, ഇംഗ്ലണ്ട്‌ നോട്ടിങ്‌ഹാം സർവകലാശാല ഇലക്‌ട്രിക്‌ ആൻഡ്‌ ഇലക്ട്രോണിക്‌സ്‌ വിദ്യാർഥി സാരംഗ്‌ എന്നിവരാണ്‌ ഗവേഷണ സംഘാംഗങ്ങൾ. 


Click to comment

You must be logged in to post a comment Login

Leave a Reply

Breaking News

സി.പി.എം കോട്ടയം ജില്ലാ സെക്രട്ടറി എ.വി. റസല്‍ അന്തരിച്ചു

Published

on

Share our post

കോട്ടയം: സിപിഎം കോട്ടയം ജില്ലാ സെക്രട്ടറി എ.വി.റസല്‍ (60) അന്തരിച്ചു. ചെന്നൈ അപ്പോളോ ആശുപത്രിയിലായിരുന്നു അന്ത്യം. അര്‍ബുദബാധിതനായി ചികിത്സയില്‍ കഴിയുകയായിരുന്നു. ഒരു മാസം മുമ്പാണ് റസല്‍ പാര്‍ട്ടി ജില്ലാ സെക്രട്ടറിയായി വീണ്ടും തിരഞ്ഞെടുക്കപ്പെട്ടത്.മുന്‍ ജില്ലാ സെക്രട്ടറിയിരുന്ന വി.എന്‍. വാസവന്‍ കഴിഞ്ഞ ലോക്സഭാ തിരഞ്ഞെടുപ്പിലും പിന്നീട് നിയമസഭാ തിരഞ്ഞെടുപ്പിലും മത്സരിച്ചപ്പോള്‍ റസല്‍ രണ്ടു തവണ ജില്ലാ സെക്രട്ടറിയുടെ ചുമതലയിലെത്തിയിരുന്നു. വി.എന്‍. വാസവന്‍ നിയമസഭാംഗമായതോടെ കഴിഞ്ഞ മാര്‍ച്ചില്‍ ജില്ലാ സെക്രട്ടറിയായി തിരഞ്ഞെടുക്കപ്പെട്ടു.

ഡിവൈഎഫ്‌ഐ സംസ്ഥാന വൈസ് പ്രസിഡന്റും കേന്ദ്ര കമ്മിറ്റി അംഗവും, ഒട്ടേറെ യുവജന സമരങ്ങളും പോരാട്ടങ്ങളും നയിച്ചാണ് റസല്‍ സിപിഎം അമരത്തേക്കെത്തിയത്. ചേര്‍ത്തല എസ്എന്‍ കോളജിലെ പഠനശേഷം യുവജന രംഗത്തെത്തി.എണ്‍പതുകളിലെ തീക്ഷ്ണമായ യുവജന സമരങ്ങളുടെ നായകനായി പൊതുരംഗത്ത് ശ്രദ്ധേയനായി. ചങ്ങനാശ്ശേരിയില്‍ ബ്ലോക്ക് സെക്രട്ടറിയായി നേതൃരംഗത്തെത്തി. 1981ല്‍ പാര്‍ട്ടി അംഗമായി. 12 വര്‍ഷം ചങ്ങനാശ്ശേരി ഏരിയ സെക്രട്ടറിയായിരുന്നു.ചങ്ങനാശ്ശേരി പെരുമ്പനച്ചി ആഞ്ഞിലിമൂട്ടില്‍ എ.കെ.വാസപ്പന്റെയും പി.ശ്യാമയുടെയും മകനാണ്. സിപിഎം അംഗമായ ബിന്ദുവാണ് ഭാര്യ. ചാരുലതയാണ് മകള്‍. മരുമകന്‍ അലന്‍ ദേവ്.


Share our post
Continue Reading

Breaking News

മൂന്നാറിൽ ടൂറിസ്റ്റ് ബസ് മറിഞ്ഞ്‌ രണ്ട്‌ വിദ്യാർഥികൾ മരിച്ചു

Published

on

Share our post

ഇടുക്കി : മൂന്നാറിൽ ബസ്‌ മറിഞ്ഞ്‌ രണ്ട്‌ വിദ്യാർഥികൾ മരിച്ചു. മാട്ടുപ്പെട്ടി എക്കോപോയിന്റിലാണ്‌ വിനോദ സഞ്ചാരികളുടെ ബസ്‌ മറിഞ്ഞത്‌. നാഗർകോവിൽ സ്‌കോട്ട് ക്രിസ്ത്യൻ കോളേജിലെ അധ്യാപകരും വിദ്യാർഥികളുമടങ്ങുന്ന 37 അംഗ സംഘമാണ്‌ ബസിൽ ഉണ്ടായിരുന്നത്‌. അമിതവേഗതയാണ് അപകടകാരണമെന്നാണ് ദൃക്സാക്ഷികൾ നൽകുന്ന വിവരം. പരിക്കേറ്റവരെ മൂന്നാർ ജനറൽ ആശുപത്രിയിലേക്ക് മാറ്റി.


Share our post
Continue Reading

Breaking News

ജീവിത നൈരാശ്യം ; കുടകിൽ നാല്പതുകാരൻ സ്വയം വെടിവെച്ച് ആത്മഹത്യ ചെയ്തു

Published

on

Share our post

വീരാജ്പേട്ട: ജീവിത നൈരാശ്യം മൂലം കുടകിൽ അവിവാഹിതനായ നാല്പതുകാരൻ സ്വയം വെടിവെച്ച് ആത്മഹത്യ ചെയ്തു. വീരാജ്പേട്ട കെ. ബോയിക്കേരിയിൽ മടിക്കേരി താലൂക്കിലെ ചെറിയ പുലിക്കോട്ട് ഗ്രാമത്തിലെ താമസക്കാരനായ പരേതനായ ബൊളേരിര പൊന്നപ്പയുടെയും ദമയന്തിയുടെയും മൂന്നാമത്തെ മകൻ സതീഷ് എന്ന അനിൽകുമാറാണ് ഞായറാഴ്ച രാത്രി ആത്മഹത്യ ചെയ്തത്.16 ന് രാത്രി 9.30 തോടെ സതീഷ് അത്താഴം കഴിക്കാനായി കൈകാലുകൾ കഴുകിവന്ന ശേഷം ജ്യേഷ്ഠനും അമ്മയും നോക്കി നിൽക്കേ തന്റെ മുറിയിൽക്കയറി കൈവശമുണ്ടായിരുന്ന തോക്ക് ഉപയോഗിച്ച് സ്വയം തലയിലേക്ക് വെടി ഉതിർക്കുകയായിരുന്നു. വെടിയേറ്റ് തലയുടെ ഒരു ഭാഗം ചിതറിപ്പോയ സതീഷ് തൽക്ഷണം മരിച്ചു. ജ്യേഷ്ഠൻ ബെല്യപ്പയുടെ പരാതിയുടെ അടിസ്ഥാനത്തിൽ വിരാജ്പേട്ട റൂറൽ പോലീസ് സ്റ്റേഷനിൽ ആത്മഹത്യയ്ക്ക് കേസെടുത്തു. റൂറൽ പോലീസ് സ്റ്റേഷനിലെ സ്റ്റേഷൻ ഓഫീസർ എൻ.ജെ. ലതയും ഫോറൻസിക് വിഭാഗം ജീവനക്കാരും സ്ഥലത്തെത്തി അന്വേഷണം നടത്തി തുടർ നിയമനടപടികൾ സ്വീകരിച്ചു.


Share our post
Continue Reading

Trending

error: Content is protected !!