Connect with us

Breaking News

പണം തൊടേണ്ട; ടി.ടി.ഇ.മാർക്ക് ആപ്പ്

Published

on


കണ്ണൂർ : തീവണ്ടിയിൽ ടിക്കറ്റ് പരിശോധകർ (ടി.ടി.ഇ.) യാത്രക്കാരിൽ നിന്ന് ഈടാക്കുന്ന അധികതുക ഡിജിറ്റൽ മാർഗം സ്വീകരിക്കും. ഗൂഗിൾ പേ, ഫോൺ പേ, ഭീം, പേടിഎം തുടങ്ങിയവ യാത്രക്കാർക്ക് ഉപയോഗിക്കാം. കൊങ്കൺ റെയിൽവേയിലാണ് ഈ പദ്ധതി തുടങ്ങിയത്. 250-ഓളം വരുന്ന ടി.ടി.ഇ.മാർക്ക് പരിശീലനം നൽകിത്തുടങ്ങി. കേരളത്തിലും നടപ്പാക്കും.

എസ്.ബി.ഐ.യുമായി ചേർന്നാണ് കൊങ്കൺ റെയിൽവേ കോർപ്പറേഷൻ മാറ്റത്തിന് തുടക്കംകുറിച്ചത്. ടിക്കറ്റ് പരിശോധകരുടെ മൊബൈലിൽ എസ്.ബി.ഐ.യുടെ യോനോ മർച്ചന്റ് ആപ്പ് ഇൻസ്റ്റാൾ ചെയ്യും. ഇതിൽ ക്യു.ആർ. കോഡ് ജനറേറ്റ് ചെയ്തിട്ടുണ്ട്. അധിക നിരക്കുനൽകേണ്ട യാത്രക്കാരൻ ക്യു.ആർ. കോഡ് സ്കാൻചെയ്ത് പണം അടയ്ക്കാം.

നിലവിൽ എല്ലാ തീവണ്ടികളിലും പിഴ (ടിക്കറ്റ് നിരക്കും പെനാൽട്ടിയും) രശീതി നൽകി പണം വാങ്ങുകയാണ് ചെയ്യുന്നത്. സിറ്റിങ് ടിക്കറ്റ് എടുത്ത് സ്ലീപ്പർ, എ.സി. ക്ലാസ് അടക്കമുള്ള ഉയർന്ന ക്ലാസിലേക്ക് മാറുന്നതിന് നൽകുന്ന അധികനിരക്കും ഇത്തരത്തിൽ ശേഖരിക്കുന്നു. റിസർവ് ടിക്കറ്റ് എടുത്ത യാത്രക്കാരന് യാത്രചെയ്യാൻ സാധിച്ചില്ലെങ്കിൽ മറ്റൊരു അത്യാവശ്യ യാത്രക്കാരന് സഞ്ചരിക്കാനുള്ള ട്രാൻസ്‌ഫറോ ടിക്കറ്റിലും പണം ഇങ്ങനെ വാങ്ങുന്നു. തീവണ്ടിയിൽനിന്ന് ഈടാക്കിയ പിഴ വരുമാനം ഡ്യൂട്ടി കഴിഞ്ഞശേഷം ടി.ടി.ഇ.മാർ അതത് റെയിൽവേ കൗണ്ടറിൽ അടയ്ക്കുകയാണിപ്പോൾ.

അത്യാവശ്യഘട്ടത്തിൽ യാത്രക്കാരെ സഹായിക്കാൻ ഗൂഗിൾപേ ചില പരിശോധകർ സ്വീകരിക്കാറുണ്ട്. റെയിൽവേ ഇത് അംഗീകരിച്ചിട്ടില്ല.


Click to comment

You must be logged in to post a comment Login

Leave a Reply

Breaking News

ഫ്രാന്‍സിസ് മാര്‍പാപ്പ വിടവാങ്ങി

Published

on

Share our post

തിരുവനന്തപുരം : ആഗോള കത്തോലിക്കാ സഭയുടെ ഇടയന്‍ ഫ്രാന്‍സിസ് മാര്‍പാപ്പ വിടവാങ്ങി. 89 വയസ്സായിരുന്നു. ഇരു ശ്വാസകോശങ്ങളിലും ന്യുമോണിയ ബാധിച്ച് ദീര്‍ഘകാലം ആശുപത്രിയില്‍ ചികിത്സയില്‍ കഴിഞ്ഞ ശേഷം വത്തിക്കാനിലേക്ക് മടങ്ങിയതിന് പിന്നാലെയാണ് അന്ത്യം. 1936 ഡിസംബര്‍ 17ന് അര്‍ജന്റീനയുടെ തലസ്ഥാനമായ ബ്യൂണസ് ഐറിസില്‍ ജനനം. പിതാവ് മരിയോ റെയില്‍വേയില്‍ അക്കൗണ്ടന്റ് ആയിരുന്നു. മാതാവ് റെജീന സിവോറി. ജോര്‍ജ് മരിയോ ബെര്‍ഗോഗ്ളിയോ എന്നാണ് ഫ്രാന്‍സിസ് മാര്‍പാപ്പയുടെ യഥാര്‍ഥ പേര്. കെമിക്കല്‍ ടെക്നീഷ്യന്‍ ബിരുദം നേടിയ ജോര്‍ജ് മരിയോ പിന്നീട് പൗരോഹിത്യത്തിന്റെ വഴി തിരഞ്ഞെടുക്കുകയായിരുന്നു. 1969ല്‍ ജസ്യൂട്ട് പുരോഹിതനായി സ്ഥാനാരോഹണം ചെയ്തു. 1992ല്‍ ബിഷപ്പും 1998ല്‍ ബ്യൂണസ് ഐറിസിന്റെ ആര്‍ച്ച് ബിഷപ്പുമായി.

2001ല്‍ ജോണ്‍ പോള്‍ രണ്ടാമന്‍ മാര്‍പാപ്പ കര്‍ദിനാളാക്കി. ശാരീരിക അവശതകള്‍ കാരണം ബെനഡിക്ട് പതിനാറാമന്‍ മാര്‍പാപ്പ സ്ഥാനത്യാഗം ചെയ്തപ്പോള്‍, പിന്‍ഗാമിയായി. 2013 മാര്‍ച്ച് 13-ന് ആഗോള കത്തോലിക്ക സഭയുടെ 266-മത് മാര്‍പാപ്പായി സ്ഥാനാരോഹണം. കത്തോലിക്കാ സഭയുടെ തലവനായി അമേരിക്കന്‍ ഭൂഖണ്ഡത്തില്‍ നിന്നും തിരഞ്ഞെടുക്കപ്പെട്ട ആദ്യത്തെ മാര്‍പാപ്പ.ലളിതമായ ജീവിതംകൊണ്ടും ശക്തമായ നിലപാടുകള്‍കൊണ്ടും ഫ്രാന്‍സിസ് മാര്‍പാപ്പ ലോകത്തിന്റെ ആകെ ശ്രദ്ധ നേടി. മതങ്ങള്‍ക്കിടയിലെ ആശയവിനിമയത്തെ ഫ്രാന്‍സിസ് മാര്‍പാപ്പ പിന്തുണച്ചു.

കാലാവസ്ഥ വ്യതിയാനം, ലൈംഗിക ന്യൂനപക്ഷങ്ങളോടുള്ള സമീപനം, യുദ്ധങ്ങള്‍, വംശീയ അതിക്രമങ്ങള്‍ തുടങ്ങി മനുഷ്യരെ ബാധിക്കുന്ന വിഷയങ്ങളിലെല്ലാം മാനവികതയുടെ പക്ഷം ചേര്‍ന്നു. സ്വവര്‍ഗ ലൈംഗികത കുറ്റകൃത്യമല്ലാതാക്കണമെന്ന് ആവശ്യപ്പെട്ടു. വധശിക്ഷയ്‌ക്കെതിരെയും നിലപാട് സ്വീകരിച്ചു. ഗസ്സയിലും യുക്രൈനിലും യുദ്ധത്തില്‍ പൊലിഞ്ഞ ജീവനുകള്‍ക്ക് വേ്ണ്ടി പ്രാര്‍ഥിച്ചു. സമാധാനത്തിന് വേണ്ടി ആഹ്വാനം ചെയ്തു. ഉരുളുകൊണ്ടുപോയ വയനാട്ടിലെ ജീവിതങ്ങള്‍ക്ക് വേണ്ടിയും ആ കൈകള്‍ ദൈവത്തിന് നേരെ നീണ്ടു.


Share our post
Continue Reading

Breaking News

കണ്ണൂരിൽ ലോറി ഇടിച്ച് സ്കൂട്ടർ യാത്രക്കാരനായ റിട്ട. കെ.എസ്.ആർ.ടി.സി ജീവനക്കാരൻ മരിച്ചു

Published

on

Share our post

കണ്ണൂർ: കണ്ണോത്തുംചാലിൽ ലോറി ഇടിച്ച് സ്കൂട്ടർ യാത്രക്കാരൻ മരിച്ചു. കാപ്പാട് പെരിങ്ങളായി തീർത്ഥത്തിൽ എം. ദാമോദരൻ്റെ മകൻ പ്രദീപ് ദാമോദരൻ (66) ആണ് മരിച്ചത്. ഓട്ടോ ഡ്രൈവറാണ് പ്രദീപ്. കെ.എസ്.ആർ.ടി.സി കണ്ണൂർ ഡിപ്പോയിലെ റിട്ട. മെക്കാനിക്കൽ ചാർജ് മാനാണ്. ഇന്ന് വൈകിട്ടായിരുന്നു അപകടം. ഉടൻ ചാലയിലെ മിംസ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.


Share our post
Continue Reading

Breaking News

തലശ്ശേരിയിൽ വാടക വീട്ടിൽ വീട്ടമ്മ മരിച്ച നിലയിൽ

Published

on

Share our post

തലശ്ശേരി: കുട്ടിമാക്കൂലിൽ വാടക വീട്ടിൽ വീട്ടമ്മയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. തലശ്ശേരി കുയ്യാലി സ്വദേശിനി പി. ഷീനയാണ് മരിച്ചത്.ഭർത്താവ് ചിറമ്മൽ വീട്ടിൽ കെ. ഉമേഷിനെ പോലീസ് കസ്റ്റഡിയിൽ എടുത്തു.


Share our post
Continue Reading

Trending

error: Content is protected !!