തലശേരി:  തീകൊളുത്തി ആത്മഹത്യക്ക് ശ്രമിച്ച യുവതി മരിച്ചു. മുഴപ്പിലങ്ങാട് കടവ് റോഡിലെ ചൈതന്യയിൽ പ്രകാശൻ്റെ മകൾ അനഘ (24) യാണ്  മരിച്ചത്. വടകര സ്വദേശിയും ഗോവയിൽ ബേക്കറി ഉടമയുമായ വിജേഷിന്റെ ഭാര്യയാണ്. ഇന്നലെ ഉച്ചക്ക് ധർമ്മടം മേലൂരിലെ വീട്ടിലാണ്‌ അനഘ തീ കൊളുത്തിയത്‌.  ശരീരമാസകലം പൊള്ളലേറ്റ നിലയിലാണ് കണ്ണൂർ  ഗവൺമെന്റ് മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്. ചികിത്സയിലിരിക്കെ ഇന്ന് രാവിലെയാണ് മരണം സംഭവിച്ചത്. അസ്വാഭാവിക മരണത്തിന്  ധർമ്മടം പൊലീസ് കേസെടുത്തു. ആത്മഹത്യാ ശ്രമത്തിനുള്ള കാരണം വ്യക്തമല്ലെന്നാണ് പൊലീസ് പറയുന്നത്. സംഭവത്തിൽ വിശദമായ അന്വേഷണം നടത്തുമെന്നും പൊലീസ് പറഞ്ഞു.  ഇൻക്വസ്റ്റ് നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും. 

മൂന്ന് വർഷം മുമ്പാണ് വിവാഹം കഴിഞ്ഞത്.  രണ്ട് വയസുള്ള ഇയാൻ മകനാണ്. അമ്മ: ബീന (ഇന്ദുലേഖ ഫാർമസ്യൂട്ടിക്കൽ കമ്പനി ) . സഹോദരൻ: നിഷിത്ത്.