കണ്ണൂർ:എപിജെ അബ്ദുൾ കലാം ലൈബ്രറി ചലച്ചിത്ര അക്കാദമി കണ്ണൂർ റീജിനൽ കേന്ദ്രത്തിന്റെ സഹകരണത്തോടെ സംഘടിപ്പിക്കുന്ന ഓണം ഫെസ്റ്റും ബുക്ക് ഫെസ്റ്റും തുടങ്ങി.രാമചന്ദ്രൻ കടന്നപ്പള്ളി ഉദ്ഘാടനം ചെയ്തു. ലൈബ്രറി പ്രസിഡന്റ് കെ ജയരാജൻ അധ്യക്ഷനായി.   ബുക്ക് ഫെസ്റ്റ് താലുക്ക് ലൈബ്രറി കൗൺസിൽ സെക്രട്ടറി എം ബാലനും നാളികേര മഹോൽസവം കോർപ്പറേഷൻ സ്റ്റാന്റിംഗ് കമ്മിറ്റി ചെയർമാൻ സുരേഷ്ബാബു എളയാവൂരും ഉദ്ഘാടനം ചെയ്തു.
ചലച്ചിത്ര അക്കാദമി, ചിന്ത, കൈരളി, സമയം, ലിപി, കലാസാംസ്‌കാരിക പ്രവർത്തക സംഘം തുടങ്ങിയവരുടെ പുസ്തകങ്ങളാണ് മേളയിലുള്ളത്. ആകർഷകമായ കിഴിവും നൽകുന്നുണ്ട്.ശനിയാഴ്ച വൈകീട്ട് മൂന്ന് മുതൽ നാടൻപാട്ട് മൽസരം, 4ന് രാവിലെ 10ന് ചരിത്ര സെമിനാർ, 2 മുതൽ കഥാ പ്രസംഗ പരിപോഷണ വേദിയുടെ സഹകരണത്തോടെ സംഘടിപ്പിക്കുന്ന കഥാ പ്രസംഗ മഹോൽസവം, വൈകീട്ട് മൂന്നിന് പഞ്ച ഗുസ്തി മൽസരം എന്നിവയും നടക്കും.

സപ്തംബർ 5ന് വൈകീട്ട് രാവിലെ 11 മുതൽ അംഗനവാടി കലോൽസവവും മൂന്ന് മുതൽ ഗാനാലാപന മൽസരം, വൈകീട്ട് 6ന് മാപ്പിളപ്പാട്ട് അക്കാദമിയുടെ ഇശൽ സന്ധ്യയും അരങ്ങേറും. സപ്തംബർ 6ന് രാവിലെ 11 മുതൽ തേങ്ങ ചിരകൽ, ഓലമടയൽ മൽസരം എന്നിവ നടക്കും. 7ന് 3 മണി മുതൽ കസേരക്കളി,സുന്ദരിക്ക് പൊട്ട് തൊടൽ എന്നിവ നടക്കും.വൈകീട്ട് അഞ്ച് മുതൽ എപിജെ ഗായക സംഘത്തിന്റെ ഗാനമേള അരങ്ങേറും.8ന് രാവിലെ വീടുകളിൽ പൂക്കള മൽസരം നടക്കും. മൊബൈൽ ഫോട്ടോഗ്രാഫി മൽസരം ഓൺലൈനായി നടക്കും.