പേരാവൂർ:ജിമ്മി ജോർജ് അക്കാദമിയിൽ ജില്ലാ സ്‌പോർട്‌സ് കൗൺസിൽ നടത്തുന്ന ജില്ലാ ജൂനിയർ വോളീബോൾ ചാമ്പ്യൻഷിപ്പ് വനിതാ വിഭാഗത്തിൽ കണ്ണൂർ സ്‌പോർട്‌സ് സ്‌കൂൾ ജേതാക്കളായി.കണ്ണൂർ ദയാ അക്കാദമിയെ നേരിട്ടുള്ള സെറ്റുകൾക്ക് തോല്പിച്ചാണ് സ്‌പോർട്‌സ് സ്‌കൂൾ കുടക്കച്ചിറ ജോസഫ്കുട്ടി & അന്നമ്മ സ്മാരക ട്രോഫിക്ക് അർഹരായത്.

പുരുഷവിഭാഗം ഒന്നാം സെമിയിൽ ഗ്രാമോദയ ഉദയംകുന്നിനെ തോൽപ്പിച്ച് പേരാവൂർ ജിമ്മി ജോർജ് അക്കാദമി ഫൈനലിൽ പ്രവേശിച്ചു.ഞായറാഴ്ച നടക്കുന്ന രണ്ടാം സെമിഫൈനലിൽ തലശ്ശേരി വോളീബോൾ അക്കാദമിയും റിവർസ്റ്റാർ പറവൂരും ഏറ്റുമുട്ടും.ലൂസേഴ്‌സ് ഫൈനലും ഉണ്ടാവും.

മത്സരം സണ്ണി ജോസഫ് എം.എൽ.എ ഉദ്ഘാടനം ചെയ്തു.പേരാവൂർ ബ്ലോക്ക് പഞ്ചായത്ത് പ്രസിഡന്റ് കെ.സുധാകരൻ അധ്യക്ഷത വഹിച്ചു.ജിമ്മി ജോർജ് ഫൗണ്ടേഷൻ മാനേജിംഗ് ട്രസ്റ്റി സെബാസ്റ്റ്യൻ ജോർജ്,സ്‌പോർട്‌സ് കൗൺസിൽ നിരീക്ഷകൻ ഡോ.പി.പി.ബിനീഷ്,കോച്ച് എം.സി.രവീന്ദ്രൻ,ജിമ്മിജോർജ് ക്ലബ് പ്രസിഡന്റ് അബ്രഹാം തോമസ് എന്നിവർ സംസാരിച്ചു.

വിജയികൾക്ക് ഞായറാഴ്ച സമാപന സമ്മേളനത്തിൽ ഡോ.വി.ശിവദാസൻ എം.പി. ട്രോഫികൾ വിതരണം ചെയ്യും.ജിമ്മി ജോർജ് ഫൗണ്ടേഷൻ,തലശ്ശേരി വോളീബോൾ അക്കാദമി,പേരാവൂർ ഗ്രാമീൺ വോളീബോൾഡെവലെപ്‌മെന്റ് കൗൺസിൽ,ജിമ്മി ജോർജ് ക്ലബ് എന്നിവ സംയുക്തമായാണ് ചാമ്പ്യൻഷിപ്പ് നടത്തുന്നത്.