Breaking News

ടാറ്റാ മെമ്മോറിയല്‍ സെന്ററില്‍ വിവിധ തസ്തികകളിലേക്ക് അവസരം

Published

3 years ago

November 17, 2021

Share our post

മുംബൈയിലെ ടാറ്റാ മെമ്മോറിയല്‍ സെന്ററിലും അനുബന്ധ ആശുപത്രികളിലുമായി വിവിധ തസ്തികകളിലേക്ക് അപേക്ഷിക്കാം. രണ്ട് വിജ്ഞാപനങ്ങളിലായി 221 ഒഴിവുണ്ട്. ഇതില്‍ 102 ഒഴിവ് നഴ്‌സ് തസ്തികയിലും 40 ഒഴിവ് ലോവര്‍ഡിവിഷന്‍ ക്ലാര്‍ക്ക് തസ്തികയിലുമാണ്.

വിജ്ഞാപനം: 132/2021

നഴ്‌സ് 102 : നഴ്‌സ് എ 73, നഴ്‌സ് ബി 24, നഴ്‌സ് സി 5 എന്നിങ്ങനെയാണ് ഒഴിവുകള്‍. യോഗ്യത ജനറല്‍ നഴ്‌സിങ് ആന്‍ഡ് മിഡ്വൈഫറിയും ഓങ്കോളജി നഴ്‌സിങ് ഡിപ്ലോമയും. അല്ലെങ്കില്‍ പോസ്റ്റ് ബേസിക് ബി.എസ്‌സി. (നഴ്‌സിങ്), ഇന്ത്യന്‍/സ്റ്റേറ്റ് നഴ്‌സിങ് കൗണ്‍സില്‍ രജിസ്‌ട്രേഷന്‍. നഴ്‌സ് എ. തസ്തികയിലേക്ക് ഒരുവര്‍ഷത്തെ പരിചവും (കുറഞ്ഞത് 50 കിടക്കകളുള്ള ആശുപത്രിയില്‍) നഴ്‌സ് ബി. തസ്തികയിലേക്ക് ആറുവര്‍ഷത്തെ പരിചയവും (100 കിടക്കകളുള്ള ആശുപത്രിയില്‍) നഴ്‌സ് സി. തസ്തികയിലേക്ക് 12 വര്‍ഷത്തെ പരിചയവും (100 കിടക്കകളുള്ള ആശുപത്രിയില്‍) വേണം. പ്രായം: നഴ്‌സ്എ: 30 വയസ്സ്, നഴ്‌സ് ബി: 35 വയസ്സ്, നഴ്‌സ് സി: 40 വയസ്സ് എന്നിങ്ങനെയാണ് ഉയര്‍ന്ന പ്രായപരിധി. (അര്‍ഹരായ വിഭാഗങ്ങള്‍ക്ക് നിയമാനുസൃത ഇളവ് ലഭിക്കും).

അസി. പ്രൊഫസര്‍12, അസി. നഴ്‌സിങ് സൂപ്രണ്ട്4, അസി. റേഡിയോളജിസ്റ്റ് 1, ഹെഡ് (ഐ.ടി.) 1, ഓഫീസര്‍ ഇന്‍ചാര്‍ജ് (ഡിസ്‌പെന്‍സറി) 1, സയന്റിഫിക് ഓഫീസര്‍എസ്.ബി. (ബയോമെഡിക്കല്‍) 2, ജൂനിയര്‍ എന്‍ജിനിയര്‍ (ഇലക്ട്രിക്കല്‍) 1, സയന്റിഫിക് അസിസ്റ്റന്റ്‌ സി. (ന്യൂക്ലിയര്‍ മെഡിസിന്‍) 1, ടെക്‌നീഷ്യന്‍ സി. (സി.എസ്.എസ്.ജി.) 1.

വിജ്ഞാപനം: 135/2021

അസിസ്റ്റന്റ് 12, ലോവര്‍ഡിവിഷന്‍ ക്ലാര്‍ക്ക് 40 ഉള്‍പ്പെടെ വിവിധ ഒഴിവുകളിലേക്കും അപേക്ഷിക്കാം. കൂടുതല്‍വിവരങ്ങള്‍ക്ക് www.tmc.gov.in. അവസാനതീയതി: ഡിസംബര്‍ ഏഴ്.

Share our post

Breaking News

കരിവെള്ളൂരിൽ വനിതാ പോലീസുകാരിയെ ഭര്‍ത്താവ് വെട്ടിക്കൊന്നു

Published

23 hours ago

November 21, 2024

NH newsdesk

Share our post

പയ്യന്നൂർ: വനിതാ സിവില്‍ പോലീസ് ഓഫീസറെ ഭര്‍ത്താവ് പെട്രോളൊഴിച്ച് തീക്കൊളുത്തിയ ശേഷം വെട്ടിക്കൊന്നു. ചന്തേര പോലീസ് സ്‌റ്റേഷനിലെ സിവില്‍ പോലീസ് ഓഫീസര്‍ കരിവെള്ളൂര്‍ പലിയേരിയിലെ ദിവ്യശ്രീയെയാണ് കൊലപ്പെടുത്തിയത്. ഭര്‍ത്താവ് രാജേഷ് ഇന്ന് വൈകുന്നേരം 5.45നാണ് വീട്ടിലെത്തി കൊലപാതകം നടത്തിയത്. പരിക്കേറ്റ ദിവ്യശ്രീയുടെ പിതാവ് വാസുവിനെ കണ്ണൂര്‍ ബേബി മെമ്മോറിയൽ ആസ്പത്രിയില്‍ പ്രവേശിപ്പിച്ചു.ഏതാനും നാളുകളായി രാജേഷും ദിവ്യശ്രീയും അകല്‍ച്ചയിലായിരുന്നു. കൃത്യം നടത്തിയശേഷം ഓടിരക്ഷപ്പെട്ട ഭര്‍ത്താവ് രാജേഷിനായി തെരച്ചില്‍ തുടരുകയാണ്.

Share our post

Breaking News

കോഴിക്കോട് ജില്ലയില്‍ ഞായറാഴ്ച യു.ഡി.എഫ് ഹര്‍ത്താല്‍

Published

6 days ago

November 16, 2024

NH newsdesk

Share our post

കോഴിക്കോട്: കോഴിക്കോട് ജില്ലയില്‍ ഞായറാഴ്ച (17/11/24) യു.ഡി.എഫ് ഹര്‍ത്താല്‍. ചേവായൂര്‍ സഹകരണബാങ്ക് തിരഞ്ഞെടുപ്പിന് പിന്നാലെ ഉണ്ടായ സംഘര്‍ഷത്തേത്തുടര്‍ന്നാണ് ഹര്‍ത്താല്‍. ബാങ്ക് തിരഞ്ഞെടുപ്പിലുണ്ടായ സിപിഎം അതിക്രമത്തിലും പോലീസ് നിഷ്‌ക്രിയത്വത്തിലും പ്രതിഷേധിച്ചാണ് ഹര്‍ത്താലിന് ആഹ്വാനം ചെയ്തിരിക്കുന്നതെന്ന് യു.ഡി.എഫ് അറിയിച്ചു. രാവിലെ ആറ് മുതല്‍ വൈകിട്ട് ആറ് വരെയാണ് ഹര്‍ത്താല്‍.

നേരത്തെ, ചേവായൂര്‍ സര്‍വീസ് സഹകരണ ബാങ്ക് തിരഞ്ഞെടുപ്പ് സംഘർഷത്തിൽ കലാശിച്ചിരുന്നു. ഔദ്യോഗിക പാനലിന് വോട്ട് ചെയ്യാന്‍ എത്തുന്നവരെ വിമത വിഭാഗം തടയുകയും ഭീഷണിപ്പെടുത്തി തിരിച്ചയക്കുകയും ചെയ്തതുവെന്നായിരുന്നു ആരോപണം. വോട്ടര്‍മാരെ സിപിഎം പ്രവര്‍ത്തകര്‍ ഭീഷണിപ്പെടുത്തി തിരിച്ചയച്ചെന്നും എതിര്‍വിഭാഗം ആരോപിച്ചത്. ഐഡി കാര്‍ഡ് കീറി കളഞ്ഞും വോട്ടര്‍മാരെ സിപിഎം പ്രവര്‍ത്തകര്‍ തിരിച്ചയച്ചുവെന്നാണ് ഔദ്യോഗിക പാനലിനെ പിന്തുണയ്ക്കുന്നവര്‍ പറഞ്ഞത്.

കോണ്‍ഗ്രസ് പാനലും സി.പി.എം പിന്തുണയ്ക്കുന്ന കോണ്‍ഗ്രസ് വിമതരും തമ്മിലാണ് മത്സരം. ബാങ്ക് സംരക്ഷണസമിതി എന്ന പേരിലാണ് വിമതര്‍ സി.പി.എം. പിന്തുണയോടെ മത്സരിക്കുന്നത്. 35000-നടുത്ത് അംഗങ്ങളുളള ചേവായൂര്‍ സര്‍വീസ് സഹകരണ ബാങ്ക് കോണ്‍ഗ്രസിന്റെ കൈവശമുളള ബാങ്ക് ആണെങ്കിലും ഭരണസമിതിയും പാര്‍ട്ടിയും കുറച്ചുകാലമായി തര്‍ക്കത്തിലാണ്. ഭരണസമിതി ലോക്‌സഭാ തിരഞ്ഞെടുപ്പില്‍ എം.കെ രാഘവനെതിരേ നിലപാടെടുത്തതോടെ കോണ്‍ഗ്രസ് നേതൃത്വം പാര്‍ട്ടിയില്‍ നിന്നും ഇവരെ പുറത്താക്കിയിരുന്നു.

Share our post

Breaking News

പുനരധിവാസം വൈകുന്നു; വയനാട്ടിൽ ചൊവ്വാഴ്ച യു.ഡി.എഫ് ഹർത്താൽ

Published

1 week ago

November 15, 2024

NH newsdesk

Share our post

കൽപറ്റ: ചൂരൽമല, മുണ്ടക്കൈ ഉരുൾപ്പൊട്ടൽ ദുരിതബാധിതർക്കുള്ള പുനരധിവാസം വൈകുന്നു എന്നാരോപിച്ച് നവംബർ 19-ന് വയനാട്ടിൽ യുഡിഎഫ് ഹർത്താൽ‌ പ്രഖ്യാപിച്ചു. കേന്ദ്ര-സംസ്ഥാന സർക്കാരുകൾക്കെതിരേ രാവിലെ ആറുമുതൽ വൈകീട്ട് ആറുവരെയാണ് ഹർത്താൽ.

Share our post