ഇരിട്ടി: സർക്കാർ മായ്ച്ചു കളയാൻ ശ്രമിക്കുന്ന ചരിത്രം ഞങ്ങൾ വിളിച്ചു പറഞ്ഞു കൊണ്ടേയിരിക്കുമെന്നു മുസ്‌ലിം യൂത്ത് ലീഗ് ജില്ലാ പ്രസിഡന്റ് നസീർ നല്ലൂർ. വാരിയൻ കുന്നത്ത്‌ കുഞ്ഞഹമ്മദാജിയും ആലി മുസ്ല്യാരും ഉൾപ്പെടെ 387 രക്തസാക്ഷികളുടെ ധീരമായ പോരാട്ടങ്ങളെ വളച്ചൊടിച്ചു സ്വാതന്ത്ര്യ സമര രക്തസാക്ഷികളുടെ നിഘണ്ടുവിൽ നിന്നും നീക്കം ചെയ്ത കേന്ദ്ര സർക്കാർ നടപടിക്കെതിരെ മുസ്ലിം യൂത്ത് ലീഗ് ഇരിട്ടി മുനിസിപ്പൽ കമ്മിറ്റി ചാവശ്ശേരിയിൽ നടത്തിയ പ്രതിഷേധ പ്രകടനം ഉദ്ഘാടനം ചെയ്ത്  സംസാരിക്കുകയായിരുന്നു അദ്ദേഹം.  

ഇരിട്ടി മുനിസിപ്പൽ യൂത്ത് ലീഗ് പ്രസിഡന്റ് ഫവാസ് പുന്നാട് അധ്യക്ഷത വഹിച്ചു. പോസ്റ്റോഫിസിൽ നിന്നും ആരംഭിച്ച പ്രകടനം ചാവശ്ശേരി ടൗണിൽ സമാപിച്ചു. എം.കെ. ഗഫൂർ, ശംസുദ്ധീൻ ഉളിയിൽ, മുസ്തഫ വളോര, ഇ.കെ. ശഫാഫ്, ടി. ഷംസീർ, യു.പി. ഷഹ്‌ഷാദ്, പി.കെ. മുജീബ്, പി.കെ. റാസിഖ്, അറഫ മുനീർ, ഹാരിസ് പെരിയത്തിൽ, സഫർ ഉസ്മാൻ എന്നിവർ നേതൃത്വം നൽകി.