പേരാവൂർ:ഹരിത കേരള മിഷൻ പഞ്ചായത്ത് തല യോഗങ്ങൾ തുടങ്ങി.പേരാവൂർ ബ്ലോക്കിലെ പേരാവൂർ,മുഴക്കുന്ന് പഞ്ചായത്തുകളിൽ യോഗം ചേർന്ന് വിവിധ പദ്ധതികൾക്ക് രൂപം നല്കി.

പേരാവൂർ പഞ്ചായത്തിലെ പാതയോരങ്ങളിൽ പൂന്തോട്ടമൊരുക്കൽ,ടൗണുകളും ഘടക സ്ഥാപനങ്ങളും സൗന്ദര്യവൽക്കരിക്കൽ,ട്രെഞ്ചിങ്ങ് ഗ്രൗണ്ടിൽ ജൈവവള നിർമ്മാണയൂണിറ്റ് തുടങ്ങിയ പദ്ധതികൾ ചർച്ചയായി.ഈ മാസം 18ന് ജില്ലാ കോഡിനേറ്ററും പദ്ധതി നിർവഹണ ഉദ്യോഗസ്ഥരും കുനിത്തലയിലെ ട്രെഞ്ചിങ്ങ് ഗ്രൗണ്ട് സന്ദർശിച്ച് പദ്ധതി തയ്യാറാക്കും.പൂന്തോട്ടമോരുക്കാൻ പഞ്ചായത്ത് തലത്തിലും വാർഡ് തലത്തിലും സംരക്ഷണകമ്മറ്റികൾ വിളിച്ചു ചേർക്കും.ടൗൺ സൗന്ദര്യവല്ക്കരണത്തിന് ഓണത്തിന് ശേഷം വ്യാപാരി സംഘടനകളുടെ മീറ്റിംഗ് വിളിച്ചു ചേർക്കും.

പേരാവൂർ പഞ്ചായത്ത് ഹാളിൽ പ്രസിഡന്റ് പി.പി.വേണുഗോപാൽ അധ്യക്ഷനായി.ഹരിത കേരള മിഷൻ ജില്ലാ കോർഡിനേറ്റർ ഇ.കെ.സോമശേഖരൻ പദ്ധതി വിശദീകരിച്ചു.അസിസ്റ്റന്റ് സെക്രട്ടറി ജോഷ്വ,വൈസ് പ്രസിഡന്റ് നിഷ ബാലകൃഷ്ണൻ, സ്റ്റാന്റിങ്ങ് കമ്മിറ്റി ചെയർപേഴ്‌സൺ എം.ശൈലജ, റീന മനോഹരൻ,ഹരിത കേരള മിഷൻ റിസോഴ്‌സ് പേഴ്‌സൺ നിഷാദ് മണത്തണ തുടങ്ങിയവർ പങ്കെടുത്തു.

മുഴക്കുന്ന് പഞ്ചായത്ത് ഓഫീസിൽ പ്രസിഡന്റ് ടി.ബിന്ദു അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്റ് കെ.സുധാകർൻ ഉദ്ഘാടനം ചെയ്തു. ജില്ലാ കോഡിനേറ്റർ ഇ.കെ.സോമശേഖരൻ വിശദീകരണം നടത്തി. ബ്ലോക്ക് പഞ്ചായത്ത് അംഗം പ്രീതി ലത, പഞ്ചായത്ത് വൈസ് പ്രസിഡന്റ്‌ സി.കെ.ചന്ദ്രൻ,എ.വനജ,വി.വി.വിനോദ്,ഹരിത കേരള മിഷൻ റിസോഴ്‌സ് പേഴ്‌സൺ നിഷാദ് മണത്തണ എന്നിവർ സംസാരിച്ചു.