കേളകം: ബഫർ സോൺ മാപ്പിലെ അവ്യക്തതകൾ പരിഹരിക്കണമെന്നാവശ്യപ്പെട്ട് കേരള ഇൻഡിപെൻഡൻസ് ഫാർമസ് അസോസിയേഷന്റെ നേതൃത്വത്തിൽ കർഷകർ കേളകം വില്ലേജ് ഓഫീസിലെത്തി പ്രതിഷേധിച്ചു. ആറളം വന്യജീവി സങ്കേതത്തിന്റെമാപ്പ് സമർപ്പിച്ച് ഇതിൽ തങ്ങളുടെ വീടുകൾ എവിടെയെന്ന് മാർക്ക് ചെയ്തു തരണമെന്ന് കർഷകർ വില്ലേജ് അധികൃതരോട് ആവശ്യപ്പെട്ടു.വെബ്‌സൈറ്റിൽ പ്രസിദ്ധീകരിച്ചിരുന്ന മാപ്പ് അവ്യക്തമാണെന്നും ഇതും പ്രകാരം വീടുകളും കൃഷിയിടങ്ങളും മറ്റും അനുബന്ധ സ്ഥാപനങ്ങളും കണ്ടുപിടിക്കാൻ ആകില്ല എന്നുംവില്ലജ് അധികൃതർ പറഞ്ഞു.

ജൂലൈ31ന്മുഖ്യമന്ത്രിയുടെ അധ്യക്ഷതയിൽ നടന്ന യോഗത്തിൽ വനം, റവന്യൂ ,കൃഷി വകുപ്പുകളെ ഏകോപിപ്പിച്ച്ഗ്രൗണ്ട് ലവൽ വിവരങ്ങൾ ശേഖരിച്ച് സമർപ്പിക്കുമെന്നാണ് തീരുമാനിച്ചതെന്നും അതുകൊണ്ടാണ് വില്ലേജിൽ ആവശ്യമായി എത്തിയതെന്നും പ്രദേശവാസികൾ പറഞ്ഞു.യാതൊരു അറിയിപ്പും ഒരു സംവിധാനങ്ങളിൽ നിന്നും ലഭിച്ചിട്ടില്ലെന്ന് വില്ലേജ് അധികൃതർ വ്യക്തമാക്കിയതോടെ പ്രദേശവാസികൾ കേളകം പഞ്ചായത്ത് സെക്രട്ടറിയെടുത്ത് പരാതിയുമായി എത്തി.

ബഫർ സോൺ സംബന്ധിച്ച്അടിയന്തര ബോർഡ് യോഗംചേർന്ന് പ്രമേയം പാസാക്കി സർക്കാരിന് നൽകുമെന്ന് പഞ്ചായത്ത് സെക്രട്ടറി അറിയിച്ചു.ഹെല്പ് ഡസ്‌ക്ആരംഭിക്കുന്നതിന് അറിയിപ്പ് ലഭിച്ചിട്ടുണ്ടെന്നും പഞ്ചായത്ത് സെക്രട്ടറി പറഞ്ഞു.കേളകം പഞ്ചായത്തിലെ ഏഴ് വാർഡുകൾ ബഫർ സോൺപരിധിയിൽവരുന്ന പ്രദേശമാണെന്നുംആയിരക്കണക്കിന് ജനങ്ങൾ ആശങ്കയിലാണെന്നും കർഷകർ പറഞ്ഞു. കിഫ ഭാരവാഹികളായ ജിജി മുക്കാട്ടു കാവുങ്കൽ, എം .ജെ .റോബിൻ , ടോമി ചാത്തൻപാറ, ഗ്രേസൺ ഉള്ളാഹയിൽ , ഷാജി മുഞ്ഞട്ട് തുടങ്ങിയവർ പ്രതിഷേധത്തിന് നേതൃത്വം നൽകി.