പേരാവൂർ:പാല ജി.എച്ച്.എസ്.എസ് അധ്യാപകനായ എ.കെ. ഹസ്സനെ വ്യക്തിപരമായി തേജോവധം ചെയ്യാനും കോൺഗ്രസ് അധ്യാപക സംഘടനയായ കെ.പി.എസ്.ടിയെ തകർക്കാനുള്ള ഗൂഢ തന്ത്രത്തിന്റെ ഭാഗവുമാണ് അധ്യാപകനെതിരെയുള്ള കള്ളക്കേസെന്ന് കോൺഗ്രസ് നേതൃത്വം ആരോപിച്ചു.

ഇടതുപക്ഷ സംഘടനയിൽപ്പെട്ട അധ്യാപകരുടെ സഹായത്തോടെ പാർട്ടി അനുഭാവികളുടെ വീടുകളിലെ വിദ്യാർഥികളെ കൗൺസിലിങ്ങിന് വിധേയമാക്കിയാണ്പോക്‌സോ കേസിൽ അധ്യാപകനെ കുടുക്കിയത്. സ്‌കൂൾ പാർലമെന്റ് തിരഞ്ഞെടുപ്പിൽ എസ്.എഫ്.ഐക്ക് നേരിട്ട പരാജയത്തിന് പ്രതികാരം വീട്ടുന്നതിനാണ് ഇത്തരമൊരു കേസ് സൃഷ്ടിച്ചിരിക്കുന്നത്.രണ്ടുവർഷം മുമ്പ് പോക്‌സോ കേസിൽപ്രതിയാവുകയും കേസ് നിലനിൽക്കുകയും ചെയ്യുന്ന വ്യക്തിയുടെ നേതൃത്വത്തിൽ സി.പി.എം നടത്തുന്നത് വ്യക്തിഹത്യയാണ്.

കോൺഗ്രസ് അനുകൂല അധ്യാപക സംഘടനയിൽ പ്രവർത്തിക്കുന്ന അധ്യാപകരെ കള്ളക്കേസിൽ കുടുക്കാൻ സി.പി.എം ഗൂഢാലോചന നടത്തുന്നതായും ഇത്തരം വസ്തുതകളിൽ സത്യസന്ധമായ നിലപാട് സി.പി.എം സ്വീകരിച്ചില്ലെങ്കിൽ ഇതേ മാതൃകയിൽ തിരിച്ച് പ്രതികരിക്കേണ്ടി വരുമെന്നും കോൺഗ്രസ് നേതൃത്വം അറിയിച്ചു.

എ.കെ.ഹസ്സനെരാഷ്ട്രീയമായും നിയമപരമായും പാർട്ടി സംരക്ഷിക്കുമെന്നും പേരാവൂർ ബ്ലോക്ക് കോൺഗ്രസ് കമ്മിറ്റി പ്രസിഡന്റ്സുരേഷ് ചാലാറത്ത്, മുഴക്കുന്ന് മണ്ഡലം കോൺഗ്രസ് കമ്മിറ്റി പ്രസിഡന്റ്കെ.എം.ഗിരീഷ് എന്നിവർ പത്രക്കുറിപ്പിൽ അറിയിച്ചു.