പേരാവൂർ: നിക്ഷേപങ്ങളുടെ കാലാവധി കഴിഞ്ഞിട്ടും തിരിച്ചുനല്കാൻ കഴിയാതെ നഷ്ടത്തിലായ 164 സഹകരണ സംഘങ്ങൾ സംസ്ഥാനത്തുണ്ടെന്ന് സഹകരണ മന്ത്രി നിയമസഭയിൽ അറിയിച്ചു.കെ.കെ.ആബിദ് ഹുസൈൻ തങ്ങൾ എം.എൽ.എയുടെ ചോദ്യത്തിനുത്തരമായാണ് മന്ത്രിയുടെ മറുപടി.

ഇതിൽ കണ്ണൂർ ജില്ലയിൽ 11 സ്ഥാപനങ്ങളുണ്ട്.ഇതിൽ രണ്ടെണ്ണം പേരാവൂർ പഞ്ചായത്തിലും ഒന്ന് കണിച്ചാർ പഞ്ചായത്തിലുമാണ്.പേരാവൂർ ഹൗസ് ബിൽഡിംഗ് സൊസൈറ്റി,തൊണ്ടിയിൽ വനിതാ സഹകരണ സംഘം,പൂളക്കുറ്റി സർവീസ് സഹകരണ ബാങ്ക് എന്നിവയാണ് പേരാവൂർ മേഖലയിൽ നഷ്ടത്തിലായ സംഘങ്ങൾ.

ഉളിക്കൽ പഞ്ചായത്ത് ഇന്ദിരാ പ്രിയദർശിനി വനിതാ സഹകരണ സംഘം,തലശേരി താലൂക്ക് റബർ ആൻഡ് മാർക്കറ്റിംഗ് കോ-ഓപ്പറേറ്റീവ് സൊസൈറ്റി,മട്ടന്നൂർ അഗ്രിക്കൾച്ചറൽ മാർക്കറ്റിംഗ് ആൻഡ് പ്രൊസസിംഗ് കോ-ഓപ്പറേറ്റീവ് സൊസൈറ്റി,ചെറുകുന്ന് കണ്ണപുരം വനിതാ സഹകരണ സംഘം,മുഴപ്പിലങ്ങാട് പബ്ലിക്ക് വെൽഫയർ സഹകരണ സംഘം,കുറുമാത്തൂർ അഗ്രിക്കൾച്ചറൽ വെൽഫയർ സഹകരണ സംഘം,കരിവെള്ളൂർ സോഷ്യൽ വർക്കേഴ്‌സ് വെൽ ഫയർ സഹകരണ സംഘം,കണ്ണൂർ ജില്ല ഓട്ടോമൊബൈൽ ആൻഡ് ജനറൽ എഞ്ചിനീയറിംഗ് വർക്കേഴ്‌സ് വെൽഫയർ സഹകരണ സംഘം എന്നിവയാണ് നഷ്ടത്തിലായ മറ്റു സഹകരണ സ്ഥാപനങ്ങൾ.