ഇരിട്ടി: കാസർഗോഡ്-വയനാട് 400 കെ വി പവർ ഹൈവേനിർമ്മാണവുമായി ബന്ധപ്പെട്ട് കർഷകരുടെ ആശങ്ക പരിഹരിക്കണമെന്നും മതിയായ നഷ്ടപരിഹാരം നൽകണമെന്നാവശ്യപ്പെട്ടും വൈദ്യുത മന്ത്രി കെ.കൃഷ്ണൻകുട്ടിക്ക് ജില്ലാ പഞ്ചായത്ത് വൈസ് പ്രസിഡന്റ് അഡ്വ. ബിനോയ് കുര്യന്റെ നേതൃത്വത്തിൽ നിവേദനം നല്കി.

നിലവിൽ 400 കെ വി ലൈൻനിർമ്മാണവുമായി ബന്ധപ്പെട്ട് ഭൂമിയുടെ ഫെയർ വാല്യുവിന്റെ 85 ശതമാനം ടവർനിർമ്മിക്കുന്ന സ്ഥലത്തിനും 15 ശതമാനം ലൈൻ കടന്നുപോകുന്ന സ്ഥലത്തിനുംനഷ്ടപരിഹാരം ലഭ്യമാവും.ഇത് വളരെ കുറവാണെന്നുംഅതുകൊണ്ട് കൊച്ചി ഇടമൺ പവർ ഹൈവേ പ്രത്യേക പാക്കേജ് മാതൃകയിൽ കണ്ണൂർ ജില്ലയിലൂടെ കടന്നു പോകുന്ന പ്രദേശത്തും പ്രത്യേകപാക്കേജ് നടപ്പിലാക്കണമെന്ന്നിവേദനത്തിലൂടെ ആവശ്യപ്പെട്ടു.

അടിയന്തരമായും ബന്ധപ്പെട്ട ഉദ്യോഗസ്ഥൻമാരുടെ യോഗം വിളിച്ച് തീരുമാനം ഉണ്ടാക്കാമെന്ന് വൈദ്യുതി വകുപ്പ് മന്ത്രി ഉറപ്പു നിവേദക സംഘത്തിന് നൽകി.കണിച്ചാർ പഞ്ചായത്ത് പ്രസിഡന്റ് ആന്റണി സെബാസ്റ്റ്യൻ, ആറളംപഞ്ചായത്ത് പ്രസിഡന്റ് കെ.പി.രാജേഷ്,അയ്യൻകുന്ന് പഞ്ചായത്ത് പ്രസിഡന്റ് കുര്യാച്ചൻ പൈമ്പള്ളിക്കുന്നേൽ,നടുവിൽ പഞ്ചായത്ത് മെമ്പർ സാജു ജോസഫ്,ആലക്കോട് പഞ്ചായത്ത് മെമ്പർസാബു മാസ്റ്റർ,കർഷകരുടെ പ്രതിനിധി ബെന്നി പുതിയാപുറംതുടങ്ങിയവരും ഒന്നിച്ചുണ്ടായിരുന്നു.

കണ്ണൂർ ജില്ലയിലെ 13പഞ്ചായത്തുകളിലായി 78.33 കിലോമീറ്റർ ദൂരത്തിലാണ് പവർ ഹൈവേ കടന്നുപോകുന്നത് ഈ പ്രദേശത്തുള്ള കർഷകർ ആശങ്കയിലാണ്.