പേരാവൂർ: താലൂക്കാസ്പത്രി മാസ്റ്റർപ്ലാൻ നടപ്പിലാക്കുന്നത് സ്റ്റേ ചെയ്യണമെന്നാവശ്യപ്പെട്ട്സമീപവാസികളായ രണ്ടു പേർ നല്കിയ ഹർജിയിന്മേൽ ഹൈക്കോടതിയുടെ ഇടക്കാല ഉത്തരവ് മൂന്ന് മാസത്തേക്ക് കൂടി നീട്ടി നല്കി.മാർച്ച് 30 മുതൽ മൂന്ന് മാസത്തേക്കാണ് ഹൈക്കോടതി സിംഗിൽ ബെഞ്ച് ജഡ്ജ് ജസ്റ്റിസ് ടി.ആർ.രവി ഇടക്കാല ഉത്തരവ് നീട്ടി നല്കിയത്.

ലത രവീന്ദ്രൻ,ഡോ.എ.സദാനന്ദൻ എന്നിവരാണ് മാസ്റ്റർ പ്ലാൻ നടപ്പിലാക്കുന്നത്സ്റ്റേ ചെയ്യണമെന്നാവശ്യപ്പെട്ട് 2021 ജൂലായിൽ 14049 നമ്പറായി ഹൈക്കോടതിയിൽ റിട്ട് ഹർജി(സിവിൽ) നല്കിയത്.സംസ്ഥാന സർക്കാർ,ആരോഗ്യ വകുപ്പ് ഡയറക്ടർ,കണ്ണൂർ ജില്ലാ മെഡിക്കൽ ഓഫീസർ,പേരാവൂർ താലൂക്കാസ്പത്രി സൂപ്രണ്ട്,പേരാവൂർ ബ്ലോക്ക് പഞ്ചായത്ത്,പേരാവൂർ ഗ്രാമപ്പഞ്ചായത്ത് എന്നിവരാണ് യഥാക്രമം ഒന്ന് മുതൽ ആറു വരെ പ്രതികൾ.

മാസ്റ്റർ പ്ലാൻ നടപ്പിലായാൽ ഇരുവരുടെയും ഭൂമിയിലേക്കുള്ള വഴി തടസ്സപ്പെടുമെന്നും,ഹർജി തീർപ്പാകും വരെ മാസ്റ്റർപ്ലാൻ സ്റ്റേ ചെയ്യണമെന്നുമാവശ്യപ്പെട്ടാണ്ഹൈക്കോടതിയിൽ ഹർജി നല്കിയത്.അഭിഭാഷകരായ കെ.വി.പവിത്രൻ,എം.പി.ജയനന്ദൻ,ജിതിൻ എസ്.സുരേന്ദ്രൻ,പി.പി.രാമചന്ദ്രൻ എന്നിവരാണ് ഹർജിക്കാർക്ക് വേണ്ടി ഹാജരാവുന്നത്.സർക്കാരിനു വേണ്ടി ഗവ.പ്ലീഡറും പേരാവൂർ ഗ്രാമപ്പഞ്ചായത്തിനു വേണ്ടി അഡ്വ.സിബി തോമസുമാണ് ഹാജരാവുന്നത്.