കണ്ണുർ: കോവിഡ് കാലത്ത് പൊതുഗതാഗത സൗകര്യങ്ങൾ ഉപയോഗപ്പെടുത്താൻ ഭയക്കുന്നവർക്ക് ഒരു ശുഭവാർത്ത. കോവിഡ് വ്യാപനം കുറവുള്ള പൊതുഗതാഗത മാർഗങ്ങളിൽ മുന്നിൽ ഓട്ടോറിക്ഷകളെന്ന് പഠനം.

മെരിലാൻഡിലെ ജോൺസ് ഹോപ്കിൻസ് സർവ കലാശാല ( ജെ.എച്ച്.യു .) , ബ്ലൂംബെർഗ് സ്കൂൾ ഓഫ് പബ്ലിക് ഹെൽത്ത് , പരിസ്ഥിതി ആരോഗ്യ , എൻജി നിയറിങ് വകുപ്പ് എന്നിവർ നടത്തിയ പഠനങ്ങളിലാണ് കണ്ടെത്തൽ. അടച്ചുമൂടിയ വാഹനങ്ങളെക്കാൾ തുറന്ന വാഹനങ്ങളിൽ കോവിഡ് പകരാനുള്ള സാധ്യത 250 മടങ്ങ് കുറവാണെന്ന് പഠനങ്ങൾ പറയു ന്നു. വാഹനത്തിൻറെ വേഗം കൂടുമ്പോൾ വായുസഞ്ചാരം വർധിച്ച് വൈറസിൻറ പകർച്ചസാധ്യത 75 ശതമാനത്തോളം കുറയുമെന്നും കണ്ടെത്തി .

ജെ.എച്ച്.യു.വിലെ ദർപൻ ദാസും പരിസ്ഥിതി ആരോഗ്യ , എൻജിനിയറിങ് വകുപ്പ് പ്രൊഫസറായ ഗുരുമൂർത്തി രാമചന്ദ്രനും ചേർന്ന് ഇന്ത്യയിലെ ഓട്ടോറിക്ഷ, കാർ, ബസ്, കാർ (എ.സി) തുടങ്ങിയ വാഹനങ്ങളിൽ കോവിഡ് മാനദണ്ഡങ്ങൾ പാലിച്ച് നടത്തിയ യാത്രാപാനത്തിലാണ് ഇക്കാര്യമുള്ളത്.

ബസിൽ കോവിഡ് പകരാനുള്ള സാധ്യത ഓട്ടോറിക്ഷയെ അപേക്ഷിച്ച് 72 മടങ്ങ് കൂടുതലാണ്. കാറിൽ 86 മടങ്ങും എ.സി കാറിൽ 300 മടങ്ങുമാണ് സാധ്യത. 

അടച്ചുമൂടിയുള്ള വായുസഞ്ചാരമില്ലാത്ത വാഹനങ്ങളും പൊതുജന സമ്പർക്ക കേന്ദ്രങ്ങളും കോവിഡ് വ്യാപനത്തിൻറെ തോത് കൂട്ടും.  ഇത്തരം സാഹചര്യങ്ങളിൽനിന്ന് ജനങ്ങൾ കഴിവതും ഒഴിവാകാൻ ശ്രമിക്കണമെന്ന് ഡോ. എ.എസ്. അനൂപ്കുമാർ പറയുന്നു.