പാനൂർ(കണ്ണൂർ ): പാത്തിപ്പാലം വള്ള്യായിയിലെ പത്താം ക്ലാസ്സുകാരി കല്ലക്കണ്ടി അമയ തലച്ചോറിനെ ബാധിച്ച ഗുരുതര രോഗത്തെ തുടർന്ന് ചികിത്സയിലായിരിക്കെ ഇപ്പോൾ കോവിഡ് ബാധയെ തുടർന്ന് കോഴിക്കോട് മിംസ് ആശുപത്രിയിൽ ചികിത്സയിലാണ്. നിർധന കുടുംബത്തിന് അമയയുടെ ചികിത്സ ചിലവ് താങ്ങാവുന്നതിലും കൂടുതലാണ്.

മൊകേരി രാജീവ്‌ ഗാന്ധി സ്‌കൂളിലെ പത്താം ക്ലാസ്സ്‌ വിദ്യാർത്ഥിനിയായ അമയ തലച്ചോറിൽ രക്തം കട്ടപിടിക്കുന്ന ഗുരുതര രോഗത്തെ തുടർന്ന് 4 വർഷത്തോളമായി ചികിത്സയിലാണ്.ഇപ്പോൾ കോഴിക്കോട് മിംസ് ആശുപത്രിയിൽ വെന്റിലേറ്ററിലാണ്. ഒരു ദിവസം വെന്റിലേറ്ററിന് മാത്രം 50,000 രൂപയോളം ചിലവാകും. സ്വകാര്യ ബസ് ജീവനക്കാരനായ അമയയുടെ പിതാവ് സുമേജിന് ചികിത്സയ്ക്ക് ആവശ്യമായ തുക കണ്ടെത്താൻ കഴിയാത്ത അവസ്ഥയിലാണ്. ഒരു മാസത്തെ മരുന്നുകൾക്ക് മാത്രം 13000ത്തോളം രൂപ ആവശ്യമാണ്.

അമയയുട ചികിത്സക്കായി നാട് തന്നെ തയ്യാറായിരിക്കുകയാണെന്നും സുമനസുകൾ സഹായിക്കണമെന്നും വാർഡ് മെംബർ അനിൽ വള്ള്യായി പറഞ്ഞു. ഈ കുഞ്ഞുമകളുടെ ജീവൻ രക്ഷിക്കുവാൻ നമ്മളാൽ കഴിയുന്ന സഹായം നൽകിയാൽ മാത്രമേ അമയക്ക് ജീവിതത്തിലേക്ക് മടങ്ങി വരുവാൻ കഴിയുകയുള്ളു. അമയയ്ക്ക് സഹായം നൽകാൻ താല്പര്യം ഉള്ളവർക്ക് താഴെ നൽകിയ അക്കൗണ്ടുകളിലേക്ക് പണമയക്കാം.

Name: Sumej K K
Address: Kallakkandiyil , Valliyayi , (p.o) Pathayakkunnu , Thalassery.
A/c number: 20188318826  (SBI)
IFSC: SBIN0008670

MOB: +919446773829 (G-pay, Phone പേ)