കണ്ണൂർ :വ്യാപാരി വ്യവസായി ഏകോപന സമിതി ജില്ലാ യൂത്ത് വിംഗ് അധികാരികളുടെയും സർക്കാരിനെയും ശ്രദ്ധ ക്ഷണിക്കുന്നതിന് വേണ്ടി വിവിധ ആവശ്യങ്ങളുന്നയിച്ച് അവരവരുടെ വീട്ടുപടിക്കൽ ശ്രദ്ധക്ഷണിക്കൽ ക്യാമ്പയിൻ നടത്തി.ഏകോപനസമിതി ജില്ലാ ജനറൽ സെക്രട്ടറി പുനത്തിൽ ബാസിത് ജില്ലാതല ഉദ്ഘാടനം ഓൺലൈനിലൂടെ നിർവഹിച്ചു.യൂത്ത് വിങ്ങ് ജില്ലാ പ്രസിഡണ്ട് കെ.എസ് റിയാസ് അധ്യക്ഷത വഹിച്ചു.യൂത്ത് വിംഗ് ജില്ലാ കോഡിനേറ്റർ വി.പി. സുമിത്രൻ മുഖ്യ പ്രഭാഷണം നടത്തി.

വിവിധ യൂണിറ്റുകളെ പ്രതിനിധീകരിച്ച് ഇ. എം.ജമാൽ,കെ.പി.അബ്ദുൽ റഷീദ്, ഒ. എം.ഉസ്മാൻ, കെ.ഷമീർ, ടി.ബിജു, സി. സി.ഷാജഹാൻ,നിയാസ് മലബാർ യൂത്ത് വിംഗ് ജില്ലാ ജനറൽ സെക്രട്ടറി സായി കിഷോർ, ജില്ലാ ട്രഷറർ കെ. പി. ഇബ്രാഹിം എന്നിവർ സംസാരിച്ചു.

“നമ്മൾക്കും ജീവിക്കണം, ഉപജീവനം ഇല്ലാതെ എന്ത് അതിജീവനം”,ഓൺലൈൻ കുത്തകകളുടെ വ്യാപാരം അവസാനിപ്പിക്കുക തുടങ്ങിയ മുദ്രാവാക്യങ്ങൾ ഉയർത്തിയാണ് വ്യത്യസ്ത രീതിയിലുള്ള സമരം നടത്തിയത്.

യുവ വ്യാപാരികളും വ്യാപാരി കുടുംബാംഗങ്ങളും വീടിന് മുന്നിൽ പ്ലക്കാർഡ് പിടിച്ച് മുദ്രാവാക്യങ്ങൾ വിളിച്ച് പങ്കെടുത്തു.യൂത്ത് വിംഗ് സംസ്ഥാന കമ്മിറ്റിയുടെ ആഹ്വാനപ്രകാരമായിരുന്നു സമരം സംഘടിപ്പിച്ചത്.